អ្នកការពារព្រៃឈើ៖ ការបង្រ្កាបបទល្មើសត្រូវធ្វើគ្រប់ទីកន្លែង និងស្មើភាពគ្នា
ចុះផ្សាយនៅថ្ងៃ៖
ស្តាប់ - ១០:១២
ដើម្បីបង្រ្កាបបទល្មើសព្រៃឈើនៅភូមិភាគឥសាន គណៈកម្មការជាតិមួយត្រូវបានបង្កើតឡើង កាលពីថ្ងៃទី ១៥ ខែមករា កន្លងទៅ។ គណៈកម្មការនេះមានឈ្មោះថា គណៈកម្មការជាតិទប់ស្កាត់ និងបង្ក្រាបបទល្មើសព្រៃឈើ។ រយៈពេលពេញមួយសបា្តហ៍នេះ ការបង្ក្រាបបទល្មើសព្រៃឈើ ត្រូវបានធ្វើឡើងយ៉ាងសស្រាក់សស្រាំ ហើយបានរកឃើញកំណាត់ឈើជាច្រើនពាន់ម៉ែត្រគូបដែលត្រូវបានគេកាប់គរចោលនៅ ក្នុងព្រៃ និងស្តុកទុកក្នុងឃ្លាំងជាច្រើនកន្លែង។ ទោះបីជាទទួលបានលទ្ធផលយ៉ាងដូច្នេះក្តី ក៏អ្នកការពារព្រៃឈើ និយាយថា ការបង្ក្រាបបទល្មើសនៅពេលនេះ ហាក់យឺតពេលទៅហើយ។ អ្នកការពារព្រៃឈើនិយាយបន្តថាដើម្បីការពារព្រៃឈើកម្ពុជាអោយគង់វង្ស ការទប់ស្កាត់ និងបង្រ្កាប មិនត្រូវផ្តោតតែទៅលើខេត្ត ភាគឥសាននោះទេ។ ការទប់ស្កាត់ និងបង្រ្កាបត្រូវធ្វើទូទាំងប្រទេស និងចំពោះជនល្មើសស្មើៗគ្នា។
