លោក សរ វណ្ណារ៉ា៖ «ការសាងសង់សំណង់ខុសច្បាប់នៅតំបន់អង្គរជាកំហុសទាំងអស់គ្នា របស់អ្នកពាក់ព័ន្ធ»
ចុះផ្សាយនៅថ្ងៃ៖
ស្តាប់ - ១០:១៥
នៅថ្ងៃទី៩ខែសីហានេះ គឺជាថ្ងៃឱសានវាទដែលអាជ្ញាធរជាតិអប្សរានិងសាលាខេត្តសៀមរាប កំណត់ឲ្យប្រជាជនដែលបានចូលទៅសាងសង់សំណង់ខុសច្បាប់នៅតំបន់អង្គរកន្លងមកត្រូវស្ម័គ្រចិត្តរុះរើដោយខ្លួនឯង។ បើមិនព្រមរុះរើទេ អាជ្ញាធរនឹងធ្វើការរុះរើដោយមិនយោគយល់នៅថ្ងៃទី១០សីហាស្អែក។ ដោយមិនមានការបញ្ជាក់អ្វីពីសមត្ថកិច្ចនៅថ្ងៃនេះ លោក សរ វណ្ណារ៉ា មន្ត្រីសម្របសម្រួលអង្គការការពារសិទ្ធិមនុស្សលីកាដូប្រចាំខេត្តសៀមរាប បានលើកឡើងថាប្រជាជនបានបង្ហាញជំហររួចហើយថាពួកគាត់មិនរុះរើទេ ដោយសារប្រជាជនទាំងនោះមានការខាតបង់បន្ទាប់ពីខ្ចីបុលគេមកទិញសម្ភារៈសំណង់ ដើម្បីសាងសង់ ដោយមិនមានការហាមឃាត់ពីដំបូង។