លោក ចាន់ យុត្ថា៖ ឆ្នាំនេះអាកាសធាតុល្អស្ទើរពេញមួយឆ្នាំ ងាយស្រួលរស់នៅ
ចុះផ្សាយនៅថ្ងៃ៖
ស្តាប់ - ១១:៤៨
ក្រសួងធនធានទឹក និងឧតុនិយម បានប្រកាសថា សីតុណ្ហភាពចាប់ ចុះត្រជាក់ខ្លាំង ជាលើកទី៤ ហើយក៏ជាលើកចុងក្រោយដែរនៅឆ្នាំនេះ ចន្លោះពីថ្ងៃទី៤ ដល់ថ្ងៃទី៩ ខែកុម្ភៈ នេះ។តាមការព្យាករណ៍គឺ នៅតំបន់ជួរភ្នំដងរ៉ែក នឹងចុះត្រជាក់ នៅក្នុងរង្វង់១៣-១៤ អង្សាសេ ខណៈ នៅតំបន់ខ្ពង់រាប រួមមាន៖ ខេត្តបន្ទាយមានជ័យ, ខេត្តេះព្រះវិហារ, ខេត្តស្ទឹងត្រែង, ខេត្តរតនគិរី, ខេត្តមណ្ឌលគិរី និងខេត្តប៉ៃលិន មានសីតុណ្ហភាពអប្បបរមា នឹងចុះត្រជាក់នៅក្នុងរង្វង់១៥-១៦ អង្សាសេ។ ប៉ុន្តែខេត្តជាប់សមុទ្រមិនមានផលប៉ះពាល់នោះទេ។ នៅក្នុងនាទីភ្ញៀវប្រចាំថ្ងៃយប់នេះ អ្នកនាំពាក្យក្រសួងធនធានទឹក លោក ចាន់ យុត្ថា លើកឡើងថា ឆ្នាំនេះអាកាសធាតុល្អ ស្ទើរពេញមួយឆ្នាំ គឺត្រជាក់បង្គួរងាយស្រួលរស់នៅ និងមិនខ្វះទឹកប្រើប្រាស់នោះទេ។