ការនាំចេញអង្កររបស់កម្ពុជាក្នុងត្រីមាសទី១ឆ្នាំ២០១៨ ថយចុះប្រមាណ៣%
ទិន្នន័យរបស់ការិយាល័យច្រកចេញចូលតែមួយបានឲ្យដឹងថា ក្នុងត្រីមាសទី១នៃឆ្នាំ២០១៨នេះ ការនាំចេញអង្កររបស់កម្ពុជាធ្លាក់ចុះប្រមាណ៣ភាគរយ។
ចុះផ្សាយនៅថ្ងៃ៖
របាយការណ៍បញ្ជាក់ថា ការនាំចេញរយៈពេល៣ខែ ដើមឆ្នាំ២០១៨ មានតែជាង១៦ម៉ឺន៦ពាន់តោនប៉ុនណោះ ថយចុះប្រមាណ ៣,៤% បើធៀបនឹងរយៈពេលដូចគ្នាកាលពីឆ្នាំ២០១៧កន្លងទៅ។
ហេតុផលដែលធ្វើឲ្យការនាំចេញអង្ករកម្ពុជាថយចុះ ត្រូវបានលោក ហ៊ុន ឡាក់ អនុប្រធានសហព័ន្ធស្រូវអង្ករកម្ពុជាពន្យល់ថា គឺដោយសារតែចុងឆ្នាំ២០១៧កន្លងទៅ កម្ពុជានាំចេញស្រូវទៅប្រទេសជិតខាងច្រើនពេក ធ្វើឲ្យរោងម៉ាស៊ីនក្នុងស្រុក មិនសូវសម្បូរស្រូវសម្រាប់ផលិតជាអង្ករដើម្បីនាំចេញ។
សូមជម្រាបជូនថា ប្រទេសចិនគឺទីផ្សារធំបំផុតរបស់អង្ករកម្ពុជា បន្ទាប់គឺប្រទេសបារាំង និងម៉ាឡេស៊ី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ