លទ្ធផលបោះឆ្នោត៖គណបក្សប្រជាជនឈ្នះភ្លូកទឹកភ្លូកដីដោយកាន់កាប់អាសនៈទាំង១២៥នៅក្នុងរដ្ឋសភា
លទ្ធផលផ្លូវការនៃការបោះឆ្នោតជាតិអាណត្តិទី៦ ដែល គជប ទើបតែប្រកាសក្នុងថ្ងៃពុធ ទី១៨ សីហាមិនបានសាងភាពភ្ញាក់ផ្អើលដល់សារធារណជនឡើយ នៅពេលគេបានដឹងរួចជាស្រេចទៅហើយថា គណបក្សណាឈ្នះការបោះឆ្នោតលើកនេះ។ លទ្ធផលផ្លូវការប្រកាសដោយ គជប បានបង្ហាញពីជ័យជំនះឈ្នះភ្លូកទឹកភ្លូកដីរបស់គណបក្សប្រជាជនកម្ពុជាដោយកាន់កាប់អាសនៈទាំង១២៥នៅក្នុងរដ្ឋសភា។
ចុះផ្សាយនៅថ្ងៃ៖
សន្លឹកឆ្នោតគាំទ្រជាង៤លាន៨៨ម៉ឺនសំឡេងល្មមអាចធ្វើឲ្យគណបក្សប្រជាជនកម្ពុជាឈ្នះឆ្នោតឈានទៅកាន់កាប់អាសនៈទាំង១២៥ ហើយបង្កើតសភាឯកបក្សយ៉ាងងាយស្រួលជាទីបំផុត។
ជាការកត់សម្គាល់ ចំនួនបេក្ខជនតំណាងរាស្ត្រជាប់ឆ្នោតជាស្ដ្រីរបស់គណបក្សប្រជាជនកម្ពុជានៅតែមានចំនួនតិច ពោលគឺមានតែ១៩រូបប៉ុណ្ណោះ ក្នុងចំណោមបេក្ខជនតំណាងរាស្ត្រជាប់ឆ្នោតទាំងអ១២៥រូប។
ដោយឡែក តំណែងតំណាងរាស្ត្រជាប់ឆ្នោតវ័យក្មេងជាងគេនាអាណត្តិនេះធ្លាក់ទៅលើលោកយឹម លាតវ័យ៣២ឆ្នាំឈរឈ្មោះលេខរៀងទី៤នៅខេត្តកំពង់ធំ ខណៈតំណែងតំណាងរាស្ត្រវ័យចាស់ជាងគេស្ថិតក្រោមការកាន់កាប់របស់លោក ហេង សំរិន ដែលមានវ័យ៨៤ឆ្នាំ ឈរឈ្មោះនៅមណ្ឌលខេត្តត្បូងឃ្មុំ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ