ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 20/10 00h00 GMT
  • 06h00 - 07h00 GMT
    កម្មវិធីព័ត៌មាន 20/10 06h00 GMT
  • 12h00 - 13h00 GMT
    កម្មវិធីព័ត៌មាន 19/10 12h00 GMT

បរ៉ាក់ ឬ ទឹកបន្សារ បង្កគ្រោះថ្នាក់​ដល់​សុខភាព​យ៉ាងណា ?

បរ៉ាក់ ឬ ទឹកបន្សារ បង្កគ្រោះថ្នាក់​ដល់​សុខភាព​យ៉ាងណា ?
 
ម្សៅបរ៉ាក់ wikipedia

ព័ត៌មាន​ស្តី​អំពី​ការ​ប្រើ​សារធាតុ (គីមី) ​បន្ថែម​ក្នុង​ចំណី​អាហារ និង​បន្លែ​ផ្លែឈើ មាន​ឮ​សូរ​ជា​ហូរហែ និង​គួរ​ឱ្យ​ព្រួយ​បារម្ភ​យ៉ាង​ខ្លាំង។ សារធាតុ​បន្ថែម​ក្នុង​ចំណីអាហារ​មាន​ច្រើន​មុខ​ណាស់។ ហើយ​ថ្មីៗ​នេះ អាជ្ញាធរ​បាន​រក​ឃើញ​ថា​មាន​ការ​ផលិត​ចំណី​អាហារ​នេះ​ ឬ​នោះ មាន​ផ្ទុក​សារធាតុ​ បរ៉ាក់។ តើ​ បរ៉ាក់ ជា​អ្វី ?

 

តើបរ៉ាក់ជាអ្វី​?

បរ៉ាក់ ជាសមាសធាតុគីមី ដែល​មាន​ឈ្មោះ​ថា ​សូដ្យូមបរ៉ាត(Na2B4O7-10H2O)​  ឬហៅតាមអ្នកស្រុកថាទឹកបន្សារ។​ បរ៉ាក់មាន​សណ្ឋាន​ជាក្រាម​ ជា​ម្សៅ​សៗ មិនមែន​ជា​វត្ថុ​រាវ​ឡើយ។

នៅក្នុងឧស្សាហកម្ម​ សារធាតុបរ៉ាក់មាននៅក្នុងថ្នាំសំលាប់សត្វល្អិត​ ផលិត​ផល​ដែល​គេ​ប្រើ​ដើម្បីលាងសំអាត​ (សាប៊ូ​ និងទឹកសាវ៉ែល)​ គ្រឿង​សំអាង(Cosmetic products)​ ក្នុងអាងហែលទឹកធំៗ​ ថ្នាំSpa ថ្នាំពេទ្យ​ និងថ្នាំបូរាណ​មួយ​ចំនួន។ បរ៉ាក់​ក៏​មាន​ប្រើ​ច្រើន​នៅ​ក្នុង​ផលិតចំណីអាហារ ដើម្បី​ជា​ជំនួយ​អាហារ​ឱ្យមាន​សភាព​​ស្វិត និង​រឹង​ល្អ ដូច​ជា​ប្រើ​ក្នុង​ល្បាយសាច់​បាត់តេ ប្រហិត ឬ​ល្បាយ​ម្សៅ​ គុយទាវ មី។​ លើសពីនេះទៅទៀត​ បរ៉ាក់ក៏ជួយឱយជាតិម្សៅឡើងស្រួយល្អពេលគេយកនំ​ និងចំណីទៅបំពង​ ក្នុងនោះមាន សាច់មាន់​ បង្គារ​ ឆៃយ៉​ ។ល។

​ដោយ​មាន​សមត្ថភាព​​អាចប្រឆាំងនឹងពពួកបាក់តេរី​ និងពពួកផ្សិត​ (preservative agent) បរ៉ាក់​ត្រូវ​បាន​គេ​យក​មក​ប្រើប្រាស់​ដើម្បីរក្សាគុណភាពផលិតផលម្ហូបអាហារ​ឱ្យ​បានយូរ​ និង​អាច​ទៅប្រើជា​បន្សំ​សម្រាប់​ផលិតជាឱសថ សម្រាប់​លាង​ដំបៅ​ក្រពះ​ ជា​បន្សំ​ទឹក​ខ្ពុរមាត់ ។ល។ និង​។ល។ ​

តើបរ៉ាក់អាច​ប៉ះពាល់ដល់សុខភាពអ្វីខ្លះ?

រាល់គ្រប់​សារធាតុ​គីមី ធម្មជាតិ​ ឬ​សំយោគ​សុទ្ធ​តែ​ផ្តល់​គ្រោះថ្នាក់ ចំពោះ​សុខភាព ឬ​អាច​ពុលទាំង​អស់ ប្រសិន​បើ​អ្នក​ប្រើប្រាស់​មិន​គោរព​កំរិត​​បរិមាណ​នេះ​ការ​ប្រើប្រាស់។ ការ​ប្រើ​បរ៉ាក់ ហួសកំរិត​នឹង​បង្ក​​ឱ្យ​មាន​បញ្ហា​ តំរងនោម​ ឈឺក្បាល រលាក​ប្រព័ន្ធ​រំលាយ​អាហារ ក្រពះ​ ពោះវៀន​ ថ្លើម​ ​រមាស់​ស្បែក និងអាចដល់អាយុជីវិតក៏មាន។

បើយោងតាមអង្គការ​សុខភាព​ពិភពលោក ការប្រើប្រាស់​បរ៉ាក់ មាន​សុវត្ថិភាព​ គឺ​ត្រឹម​ ក្នុង​កំរិត​ ០,១៦​មីល្លីក្រាម​/ក្នុង​មួយ​គីឡូក្រាម​នៃ​ម៉ាសមាឌ​មនុស្ស​។ ​មនុស្ស​ធំ​ពេញ​វ័យ​ អាច​នឹង​ស្លាប់​បាន ប្រសិន​បើ​ទទួល​ទាន​ជាតិ​បរ៉ាក់​ចូល​ក្នុង​ខ្លួន​​ក្នុង​កំរិត​៧​ទៅ​៣៥​ក្រាម។ ប៉ុន្តែ​សម្រាប់​មនុស្ស​ចាស់ ហូប​បរ៉ាក់​ចូលត្រឹម​តែ​១៥ក្រាម​ ក្នុង​មួយ​ថ្ងៃ (កុមារត្រឹម​តែ​៥ក្រាម) អាច​បង្ក​ឱ្យ​ជួយ​គ្រោះ​ក្អួត​ធ្លាក់​ឈាម និង​ស្លាប់​បាន​។

ពុំ​ទាន់មាន​ការ​សិក្សា​​ណា​បញ្ជាក់​អំពី​គ្រោះថ្នាក់នៃ​ការ​បរិភោគ​​បរ៉ាក់នៅ​ក្នុង​ចំណី​អាហារ ក្នុង​បរិមាណ​តិច​តួច និង ​រយៈ​ពេលយូរទេ។ ប៉ុន្តែ​គេ​បាន​ចាត់​ទុក​បរ៉ាក់​ជា​សារធាតុ​ពុល​ខ្លាំង​ និង​ជាប់​សង្ស័យ​ថា​អាច​បង្ក​ឱ្យ​មាន​ផលប៉ះពាល់​ដល់​ប្រព័ន្ធ​បន្ត​ពូជ​។ ការពិសោធន៍លើសត្វកណ្តុរ​ ​ស៊ី​ចំណី​មាន​សារធាតុ​បរ៉ាក់​ក្នុង​រយៈពេល​យូរ​មួយ​ បាន​​បង្ហាញ​​ឱ្យ​​ឃើញ​​ថា​​ប្រព័ន្ធ​បន្ត​ពូជ​របស់សត្វឈ្មោលចុះខ្សោយ​ ឬ​លូតលាស់​មិន​ពេញ​លក្ខណៈ​ ឬ​បាត់​បង់​សមត្ថភាព​បន្ត​ពូជ​។

ក្នុង​ភាព​មន្ទិល និង​ដោយ​ឈរ​លើ​គោលការណ៍ ការពារ​ប្រសើរ​ជាង​ព្យាបាល អាជ្ញាធរ​អឺរ៉ុប បាន​ផ្តល់​អនុសាសន៍មិន​ឱ្យ​ប្រើប្រាស់​បរ៉ាក់ លើស​ពី​ ០,២mg/kg/j (មីល្លីក្រាមក្នុង​មួយ​គីឡូក្រាម​និ​ងក្នុង​មួយ​ថ្ងៃ​)ឡើយ និង​បានណែនាំ

  • ឱ្យ​កុមារ​ និងស្ត្រីមានផ្ទៃពោះ ស្ត្រី​បំបៅ​ដោះ​កូន ចៀសវាង​ ឬកាត់​បន្ថយទាំង​ស្រុង​ការ​ទទួល​ទាន​អាហារដែលមាន​ផ្ទុកសារធាតុបរ៉ាក់
  • ហាមយុវជន​​កំពុង​ពេញ​វ័យ​កម្លោះ​ទទួល​ទាន​បរ៉ាក់
  • ស្ត្រី​ក្នុង​វ័យ​បង្ក​កំណើត ប្រើ​ថ្នាំ​ពន្យារ​កំណើត​អាច​ទទួល​ទាន​សារធាតុ​បរ៉ាក់​បាន​ ក្នុង​ន័យ​​បង្កើន​ប្រសិទ្ធិភាព​ការពារ​កុំ​ឱ្យ​មាន​កូន។
  • ជំងឺពងបែកមាត់ដៃជើង

    ជំងឺពងបែកមាត់ដៃជើង

    មាន​ពងបែក​ក្នុងមាត់​លើ​ដៃជើង ក្នុង​ពេល​ជា​ជំងឺ​ឆ្លង​មួយ​បង្ក​ឡើង​ដោយ​វីរ៉ុស។ ជា​ទូទៅ​ជំងឺពងបែក​មាត់​ដៃជើង ជា​ជំងឺ​ស្រាល​ទេ ប៉ុន្តែ​មាន​ខ្លះ​ជា​ទម្រង់​ធ្ងន់ធ្ងរ​ខ្លាំង …

  • អ្នកប្រើដៃឆ្វេង ឆ្លាតជាងអ្នកប្រើដៃស្តាំ ?

    អ្នកប្រើដៃឆ្វេង ឆ្លាតជាងអ្នកប្រើដៃស្តាំ ?

    បារ៉ាក់ អូបាម៉ា សរសេរ​ដៃ​ឆ្វេង តារាល្បីៗដូច​ជា​អង់ហ្សេលីណា ចូលី មេស៊ី ... ភាគ​ច្រើន​សុទ្ធ​តែ​ប្រើ​ដៃ​ឆ្វេង។ គេថា​​​អ្នក​ប្រើ​ដៃ​ឆ្វេង ឆ្គង​ តែ​ឆ្លាត ពូកែ ខ្លាំង ជា​ង​អ្នក​ប្រើ​ដៃស្តាំ។ …

  • តើគេ​អាច​ការពារ​ជំងឺ​វង្វេងវង្វាន់​បាន​ដែរ​ឬ​ទេ ?

    តើគេ​អាច​ការពារ​ជំងឺ​វង្វេងវង្វាន់​បាន​ដែរ​ឬ​ទេ ?

    នៅ​ថ្ងៃ​ទី ២១ កញ្ញា ជា​ទិវា​ពិភពលោក​ប្រឆាំង​នឹង​ជំងឺ​វង្វេង​វង្វាន់ ឬ​អាល់ហ្សៃម៉ែរ Alzheimerជា​ភាសា​បារាំង។ ជំងឺ​វង្វេងវង្វាន់​ ជា​ការ​បាត់​បង់​សមត្ថភាព​ចង​ចាំ និង​ការ​ចេះ​ដឹងទាំង​ឡាយ​ដែល​មា​នកន្លង​មក។ …

  • ដំឡូងជាអាហារសុខភាព ?

    ដំឡូងជាអាហារសុខភាព ?

    ដំឡូងស្ងោ ដំឡូង​ឆឹង ដំឡូង​ចំហុយ ដំឡូង​ជ្វា ដំឡូង​ឈើ ដំឡូង​ដៃ​ខ្លា ​... ដំឡូង​លែង​សូវ​ឃើញ​មាន​លក់ និង​​បរិភោគ​​នៅ​ក្នុង​ប្រទេស​កម្ពុជា ​ តែ​ដំឡូង​កំពុង​​ក្លាយ​ជា​អាហារ​ដ៏​ពេញ​និយម​នៅ​អឺរ៉ុប​ …

  • តើការ​ថត​ឆ្លុះ​ក្រពះ មាន​ដំណើរ​ការ​យ៉ាង​ដូចម្តេច​ខ្លះ ?

    តើការ​ថត​ឆ្លុះ​ក្រពះ មាន​ដំណើរ​ការ​យ៉ាង​ដូចម្តេច​ខ្លះ ?

    ជំងឺ​ក្រពះ​មាន​ច្រើនប្រភេទ តែ​ជំងឺ​ដែល​គេ​ជួប​ប្រទះ​ញឹកញាប់​ជាងគេ​នៅ​ប្រទេស​កម្ពុជា គឺ​ជំងឺ​ខ្សោយ​ក្រពះ រលាក​ក្រពះ ដំបៅ​ក្រពះ និង​ ជំងឺ​ច្រាល​ទឹក​អាស៊ីត​ឡើងលើ។ កាលពី​សប្តាហ៍​មុន …

  • ​ប៊ីយេរ​ជាប់​សង្ស័យ​ជា​អ្នក​បង្ក​ជំងឺ​រលាកសន្លាក់

    ​ប៊ីយេរ​ជាប់​សង្ស័យ​ជា​អ្នក​បង្ក​ជំងឺ​រលាកសន្លាក់

    នរណា​មិន​ចូល​ចិត្ត​​ស្រាបៀ ? ប៊ីយេរ មាន​ច្រើន​​យ៉ាង​ ច្រើន​ម៉ាក និង​​ជា​ទី​ពេញ​និយម​ខ្លាំងណាស់ ! ប៉ុន្តែ​ស្រាបៀ​មិន​មែន​ជា​ភេសជ្ជៈ​​ដ៏​សាមញ្ញ​ឡើយ ! ស្រាបៀ​អាច​ធ្វើ​ឱ្យ​អ្នក​ធ្លាក់​ខ្លួន​ជាមនុស្ស​ញៀន​សុរា …

  • តើអ្នកដឹងទេ ថាយើងលេបជាតិប្លាស្ទិករាប់ពាន់មុខចូលក្នុងពោះជារៀងរាល់ថ្ងៃ ?

    តើអ្នកដឹងទេ ថាយើងលេបជាតិប្លាស្ទិករាប់ពាន់មុខចូលក្នុងពោះជារៀងរាល់ថ្ងៃ ?

    មិន​ថា​អ្នក​ចូល​ចិត្ត​ទទួល​សាច់ ទទួល​ទាន​បន្លែផ្លែឈើ ឬ​អ្នក​ចូល​ចិត្ត​ញ៉ាំ​អាហារ​ធម្មជាតិ​ អាហារ​សរីរាង្គ​ទេ​ ... មនុស្សម្នាក់ៗ​លេប​ជាតិ​ប្លាស្ទិក​ ក្នុង​ទម្រង់​ជា​លម្អង …

  1. 1
  2. 2
  3. 3
  4. ...
  5. បន្ទាប់ >
  6. ចុងក្រោយ >
កម្មវិធីផ្សាយផ្សេងទៀត
 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ