ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 20/07 00h00 GMT
  • 06h00 - 07h00 GMT
    កម្មវិធីព័ត៌មាន 20/07 06h00 GMT
  • 12h00 - 13h00 GMT
    កម្មវិធីព័ត៌មាន 20/07 12h00 GMT

ឆ្អឹងខ្នងនិងការឈឺចង្កេះ

ឆ្អឹងខ្នងនិងការឈឺចង្កេះ
 
គំនូរ​ពន្យល់​ពី​របៀប​រក្សា​ឆ្អឹង​ខ្នង © RFI

ឈឺខ្នង​ឬ​ឈឺ​ចង្កេះ ? ពេល​ខ្លះ​អ្នក​ជំងឺ​ផ្ទាល់​ខ្លួន មិន​អាច​បែងចែងឱ្យ​បាន​ច្បាស់​ថា​ខ្លួន​ឈឺត្រង់​ណា​ឱ្យ​ប្រាកដផង​ទេ។ ប៉ុន្តែ​អ្វី​ដែល​អាច​អះអាង​ដោយ​គ្មាន​ភាព​សង្ស័យ​គឺ​ឆ្អឹង​ខ្នង​របស់​អ្នក​កំពុង​រងគ្រោះ​ទ្រុឌទ្រោម​ហើយ។ តើ​ឆ្អឹង​ខ្នង​មាន​ប្រយោជន៍​យ៉ាងណាស ? ឆ្អឹង​ខ្នង​អាច​រងគ្រោះ​កើត​ជំងឺ​អ្វី​ខ្លះ ? តើ​ត្រូវ​ធ្វើ​ដូចម្តេច​ទើប​អាច​រក្សា​ឆ្អឹង​ខ្នង​ឱ្យ​បាន​រឹងមាំ ?

ការ​រក្សា​ដង​ខ្លួន​ឱ្យ​ត្រង់ គឺ​ជា​ចំណែក​មួយ​នៃ​ការ​ថែ​ទាំ​ឆ្អឹង​ខ្នងឱ្យ​នៅ​រឹង​មាំ​ល្អ និង​ ​កុំ​ឱ្យ​ឆាប់​ចាស់ទ្រុឌទ្រោម មុន​អាយុ។ ព្រោះ​បើ​ឆ្អឹង​ខ្នង​ទ្រុឌទ្រោម នោះ​យើង​ពិត​ជា​នឹង​ងាយជួប​​អាការៈឈឺចុកចាប់​យ៉ាង​​ខ្លាំង នៅ​ខ្នង នៅ​​ចង្កេះ ឬ​ឈឺដល់​​សរសៃជើង។ល។ ឆ្អឹង​ខ្នង​ ជា​សរសរ​ទ្រទ្រង់​ខ្លួន​ប្រាណ​។ គ្មានឆ្អឹង​ខ្នង​ មនុស្ស​ពិត​ជា​ពិបាករស់​ មិន​អាច​ឈរ ឬ​អង្គុយ​​​បានឡើយ។ តាមធម្មតា ​ឆ្អឹង​ខ្នង ទ្រុឌទ្រោម​ទៅ​វិវឌ្ឍន៍តាម​វ័យ អាយុ​កាន់​តែ​ច្រើន ក៏​កាន់​តែ ​​ទ្រុឌទ្រោម ​ឬ​លឿនជាង​​អាយុ​ផង ប្រសិន​បើ​យើងមិន​ចេះ​ប្រុង​ប្រយ័ត្ន​​ថែរក្សា​ឆ្អឹង​ខ្នង​ ក្នុង​ជីវិត​ប្រចាំ​ថ្ងៃ​ តាំង​ពី​ក្មេង​មក​មិន​បាន​ល្អ។

ឆ្អឹង​ខ្នងរឹងមាំ ​​មាន​សុខភាព​ល្អ អាចទ្រទម្ងន់​​ខ្លួន ដោយ​គ្មាន​ផ្តល់​ការ​ឈឺ​ចាប់​អ្វី​ទាំង​អស់​ ហើយ​​អាច​​បំពេញ​តួនាទី​ជា​អ្នក​ធានា​រ៉ាប់រង​​គ្រប់​​ចលនា កោង​ ទ្រេត ត្រង់ ​របស់​ដង​ខ្លួន និង​ទប់​​ខ្លួន​​ឱ្យ​មាន​លំនឹង​​ តាម​បែប​ធម្មជាតិ។ ជា​សរសររបស់​មនុស្ស​ ឆ្អឹង​ខ្នង​មាន​តួនាទី​សំខាន់បន្ថែម​មួយ​ទៀត គឺ​ជា​របង​បាំង​ការពារខួរ​ឆ្អឹង​ខ្នង​ដែល​​ជា​បណ្តុំ​ ឬ​ជា​មណ្ឌល​ប្រមូល​ផ្តុំ​ប្រព័ន្ធ​ប្រសាទ​ដ៏​មហា​សាំញ៉ាំ និង​ចាំ​បាច់​បំផុត ខាង​ផ្នែក​ចែកចាយ​ព័ត៌មាន​ទាក់ទង​នឹង​ខ្លួន​ប្រាណ​ទៅ​ឱ្យ​ខួរ​ក្បាល និង​ពី​​ខួរក្បាល​ត្រលប់​មក​សរីរាង្គ​កាយ​វិញ។​​

​​នៅ​ចន្លោះពី​​ឆ្អឹង​កងទៅ​ឆ្អឹង​កង​ មានទ្រនាប់​ឆ្អឹង​មួយ​ទៀត (ឌីស) ដែល​មាន​តួនាទី​ជា​ទប់​ កល់​កុំ​ឱ្យ​ឆ្អឹងកង​ខ្នង​ប៉ះកកិត​​ឬ​បុក​ទង្គិច​គ្នា នៅ​ពេល​ធ្វើ​ចលនា​ ឬ​អុកទង្គិច​ជា​យថាហេតុ​ណាមួយ។ ទ្រនាប់​ឆ្អឹង​នេះ (Disques intervertébrales) មាន​រចនា​សម្ព័ន្ធ​ស្មុគស្មាញ ផ្សំ​ដោយ​ប្រព័ន្ធ​សរសៃ​ផង ឆ្អឹង​ខ្ចីផង និង​ស្នូល​ជា​ខ្លាញ់​អន្ធឹលៗ។ ស្រទាប់​ឆ្អឹង​អាច​ប្រឆាំង​ទប់​នឹងកម្លាំង​ដែលចង់​បំបែក​​ឆ្អឹងកង​ប្រេះញែក​ពី​គ្នា​បាន​យ៉ាង​មាន​ប្រសិទ្ធភាព។ នៅ​ពេល​មាន​ការ​ទង្គិចអុក​​គ្នា​ខ្លាំង​ គឺ​ឆ្អឹងកង​​ជា​អ្នក​ខូច​ខាត​មិនមែនទ្រនាប់​ឆ្អឹង​​ឌីស​នេះ​ទេ។ ទ្រនាប់​​ឌីស មាននាទី​ជា​អ្នក​ធានា​ការ​ធ្វើ​ចលនា​របស់​ឆ្អឹង​ខ្នង កុំ​ឱ្យ​កកិត​គ្នា និងមាន​​សកម្មភាព​ជា​អ្នក​អប ​ទប់​កុំ​ឱ្យ​មាន​ករណី​អុក​ទង្គិចខ្លាំង។

ប៉ុន្តែ ​ដោយ​សារ​ភាព​ចាស់​ជរា​របស់​មនុស្ស​ ទ្រនាប់​​ឌីស​ក៏ចាស់​រិចរិល ​​បាត់​បង់​សមត្ថភាព​របស់​ខ្លួនទៅ​តាម​វ័យ និង​បាន​ចូល​រួម​ចំណែក​ធ្វើ​ឱ្យ​​ឆ្អឹង​ខ្នង​ចាប់​ចាស់​ទ្រុឌទ្រោម។ ហើយ​ ដូច​ប្រសាសន៍​របស់​លោក​សាស្ត្រាចារ្យ​ វ៉ូសុភៈរស្មី ខាង​លើ នៅ​ពេល​ឆ្អឹង​ខ្នង​ទ្រុឌទ្រោម ​អាការៈ​ឈឺ​ចុក​ចាប់​នឹង​ចាប់​លេច​ឡើង។ ក្រៅ​អំពី​កត្តា​អាយុ ភាព​អសកម្ម​ដើម្បី​បាន​ស្រណុក ការ​អង្គុយ​យូរ​​រាប់​ម៉ោង ការ​លើក​ដាក់ឬ​អោន​យក​វត្ថុ​ធ្ងន់​ដោយ​ចំកោង​ខ្នង​ ​ សុទ្ធ​សឹង​ជា​មូលហេតុ​នាំ​ឱ្យឆ្អឹង​ខ្នង​និង​ទ្រនាប់​​ឆ្អឹង​ឆាប់​ទ្រុឌទ្រោម។

មាន​ចំនួន​សរុប ចំនួន ៣៣ (ឆ្អឹងកង-កចំនួន ៧ ឆ្អឹងកង​ខ្នង​ ១២ ឆ្អឹង​កង​ចង្កេះ​៥ ​ឆ្អឹង​កង​ផាល​ចំនួន​៥​រលាយ​ជាប់​គ្នា នងិ​ឆ្អឹង​កង​កញ្ចូញ​គូថ​មាន​៣ទៅ​៥រលាយ​ចូលគ្នា) ប៉ុន្តែ​ ជា​ទូទៅ ឆ្អឹង​កងដែល​ងាយ​រងគ្រោះ និង​ឆាប់​រង​ការ​ទ្រុឌទ្រោម​ជាង​គេ ឆ្អឹង​ខ្នងនៃ​ក្រុម​ឆ្អឹង​កង​​ចង្កេះ​ត្រគៀក ​(និង​បន្ទាប់​មក​តិច​តួច​នៅ​ម្តុំ​ឆ្អឹង​ខ្នង​ក) ព្រោះ​ឆ្អឹង​កង​ត្រកៀក Lombaireនេះ ជា​ទម្រ​ដ៏​សំខាន់ទ្រ​ទម្ងន់​ដង​ខ្លួន​ទាំង​មូល​តែ​ម្តង។ ហេតុ​ដូច្នេះ​ហើយ​បាន​ជា​មនុស្ស ដល់​ពេល​​ចាស់ទៅ ​ភាគ​ច្រើន​តែង​ថ្នូរ​អំពី​អាការៈ​ឈឺខ្នង​ ឈឺ​​ចង្កេះនោះ។ តែ​បើ​ការ​ឈឺ​ចង្កេះ​មាន​លក្ខណៈ​ពិសេស​ ជាក់​ស្តែង ជា​ការ​ឈឺ​ចាក់​ទៅ​ក្រោម​ ដល់​ភ្លៅ ឬដល់​ចុង​ជើង និង​ដល់​ម្រាម​មេជើង តែ​មួយ​ចំហៀង​ខ្លួន នោះ​មាន​ន័យ​ថា​ឆ្អឹង​ខ្នង និង​ទ្រនាប់​​ឆ្អឹង​ ក៏​រង​ភាព​ទ្រុឌទ្រោម និង​ប៉ះពាល់​ដល់​សរសៃ​ហើយ។ ​សូមបញ្ជាក់​​ថា ឆ្អឹងខ្នង​និង​ទ្រនាប់​​ឆ្អឹង​ នៅ​តំបន់​ត្រកៀក មិន​មែន​ត្រឹម​តែ​ជា​ទម្រ​ដង​ខ្លួន​ទេ តែ​ឆ្អឹង​កង​ត្រង់​នេះ​ ​ជា​ឬ​សគល់​នៃ​សរសៃ​ដ៏​ច្រើន ដែល​​ត​ចុះ​មក​ជើង។

សរសៃ​ធំ​ជាងគេ​ មាន​ឈ្មោះ​ថា សរសៃ​Sciatique ត​ពី​ឆ្អឹង​កង​ទី​៥​នៃ​ឆ្អឹង​ត្រកៀក​ កាត់​តាម​ភ្លៅ​ផ្នែក​ខាង​ក្រោយ​ចុះ​មក​កំភួន​រហូត​ដល់​ចុងជើង។ ការ​ឈឺ​ចង្កេះ រាល​ចាក់​មក​ក្រោម​ដូច្នេះ​ គេ​ហៅថា​ជំងឺ​ស្យ៉ាទិក៕


ទាក់ទង​នឹង​ប្រធានបទ​នេះ

  • នាទីសុខភាពនិងអនាម័យ

    តើ​ធ្វើ​ដូចម្តេច​ដើម្បី​បញ្ចៀស​កុំ​ឱ្យ​​​ឈឺ​ខ្នង​ឈឺ​ចង្កេះ​ ព្រោះ​​​ការងារ ?

    ស្វែងយល់បន្ថែម

  • នាទីសុខភាពនិងអនាម័យ

    មូល​ហេតុ​នៃ​ការ​ឈឺ​ខ្នង ឈឺ​​ចង្កេះ

    ស្វែងយល់បន្ថែម

  • នាទីសុខភាពនិងអនាម័យ

    របៀប​ថែ​រក្សា​ឆ្អឹង​ខ្នង

    ស្វែងយល់បន្ថែម

  • នាទីសុខភាពនិងអនាម័យ

    ឈឺ​ចង្កេះ ៖ ការ​ថែ​រក្សា​គាំពារ​ឆ្អឹង​ខ្នង

    ស្វែងយល់បន្ថែម

  •  គ្រុនឈាម ជាជំងឺ គ្មានថ្នាំព្យាបាល និងថ្នាំបង្ការ

    គ្រុនឈាម ជាជំងឺ គ្មានថ្នាំព្យាបាល និងថ្នាំបង្ការ

    ​ ​គ្រុនឈាម ​ដែល​ជា​ជំងឺ​បង្ក​ឡើង​ដោយ​វីរ៉ុស ចម្លង​តាមរយៈ​មូសខ្លា​ខាំ បាន​ផ្ទុះ​ឡើង​យ៉ាង​ខ្លាំង នៅ​ស្ទើរ​ទូទាំង​ពិភពលោក នារយៈ​ពេល​ប៉ុន្មាន​ឆ្នាំ​ចុងក្រោយ​នេះ។ ចំនួនមនុស្ស​កើត​​អ្នក​ជំងឺ​គ្រុន​ឈាម​ …

  • តើគួរ ទទួល​ទាន​ផ្លែឈើ ឬ ទឹក​ផ្លែឈើ ?

    តើគួរ ទទួល​ទាន​ផ្លែឈើ ឬ ទឹក​ផ្លែឈើ ?

    សម្បូរ​ទៅ​ដោយ​ជាតិ​សរសៃ និង​វីតាមីន​ ព្រមទាំង​ជាតិ​ស្ករធម្មជាតិ​ ផ្លែឈើ​គឺ​ជា​អាហារ​ដ៏​មាន​អត្ថប្រយោជន៍​សម្រាប់​សុខភាព និង​ផ្នែក​អាហារូបត្ថម្ភ។ ប៉ុន្តែយើង​អាច​ទាញ​យក​​គុណប្រយោជន៍ពី​ផ្លែឈើ​បាន​យ៉ាង​ពេញលេញ​ …

  • នោមទាស់ ជាជំងឺអ្វី ?

    នោមទាស់ ជាជំងឺអ្វី ?

    បត់​ជើង​តូច​ញយ បត់​ជើង​តូច​ហើយ​តែ​មាន​អារម្មណ៍​ថា​មិន​អស់ បត់​ជើង​តូច​មាន​ការ​ឈឺ​ចាប់ … ហេតុ​អ្វី​បាន​ជា​ដូច្នេះ ? នេះ​ជា​អាកាៈ​ជំងឺ​មួយ​ចំនួន​ដែល​យើង​មាន​ទម្លាប់​ហៅ​ថា …

  • ​បត់​ជើង​តូច​ញឹកញាប់​ ជា​សញ្ញា​គួរ​ឱ្យ​ព្រួយ​បារម្ភ​ទេ ?

    ​បត់​ជើង​តូច​ញឹកញាប់​ ជា​សញ្ញា​គួរ​ឱ្យ​ព្រួយ​បារម្ភ​ទេ ?

    ជំងឺ​តំរង​នោម​ ជា​សរីរាង្គ​ដ៏​សំខាន់​មួយ ដែល​មាន​តួនាទី​ចាំបាច់​ជា​ច្រើន ​មានជា​អាទិ៍​ការ​​ចម្រោះ​ជាតិ​ពុល​ តាម​រយៈ​ការ​បត់​ជើង​តូច។ ប៉ុន្តែ អ្នក​ខ្លះ​បត់​ជើង​តូច​ញយខ្លាំង …

  • តើ​រលាក​ក្រពះ​ជា​ជំងឺ​អ្វី  មាន​ផលវិបាក​យ៉ាងណា ?

    តើ​រលាក​ក្រពះ​ជា​ជំងឺ​អ្វី មាន​ផលវិបាក​យ៉ាងណា ?

    ចុក ឆ្អល់ នៅ​ក្នុង​ពោះ​ផ្នែក​ខាង​លើ ជួន​ឈឺ​​ខ្លាំង​ ជួន​ឈឺ​​តិច ញយ​ទៅ​ៗ ដែល​អាច​ផ្តល់​ជា​ការ​រំខាន​យ៉ាង​ខ្លាំង។ តើ​នេះ​ជា​សញ្ញា​រោគ​នៃ​ការ​ឈឺ​ក្រពះ រលាក​ក្រពះ​ទេ​ដឹង …

  • ពន្លឺភ្លើង LED អាច​ធ្វើ​ឱ្យ​ឆាប់​ខូច​ភ្នែក និង​គេង​មិន​លក់ !

    ពន្លឺភ្លើង LED អាច​ធ្វើ​ឱ្យ​ឆាប់​ខូច​ភ្នែក និង​គេង​មិន​លក់ !

    នៅ​ក្នុង​បរិបទ​នៃ​ការ​សន្សំ​សំចៃ​ថាមពល និង​ភាព​ជឿន​លឿន​ខ្លាំង អំពូល​ភ្លើង​បែប​បូរាណ មាន​ខ្សែ​រ៉េស៊ីស្តង់ អំពូល​អាឡូហ្សែន បាន​រលប់​បាត់​ពី​ទីផ្សារ​ទំនើប​ជា​បណ្តើរៗ និងលែង​មានដាក់​លក់​សោះ​លើ​ទីផ្សារ​អឺរ៉ុប​ …

  • វិធី​សម្រាលកូន​ដោយ​គ្មាន​ការ​ឈឺ​ចាប់

    វិធី​សម្រាលកូន​ដោយ​គ្មាន​ការ​ឈឺ​ចាប់

    តើ​ស្ត្រី​ពរពោះ​អាច​ឆ្លង​ទន្លេ ដោយ​ពុំ​មានការ​ឈឺចាប់​បាន​ទេ ? ពិត​បាន​ ! ដោយ​សារភាព​ជឿន​លឿន​ វេជ្ជសាស្ត្រ​អាច​ជួយ​បង្កើត​កូន ដោយ​អ្នក​ជា​ម្តាយ​ពុំ​រង​ការ​ឈឺ​ចាប់​ខ្លាំង​ឡើយ។ …

  1. 1
  2. 2
  3. 3
  4. ...
  5. បន្ទាប់ >
  6. ចុងក្រោយ >
កម្មវិធីផ្សាយផ្សេងទៀត
 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ