តើគេអាចជួយសង្គ្រោះអ្នកជំងឺឆ្កួតជ្រូកបានយ៉ាងដូចម្តេចខ្លះ ?
ចុះផ្សាយនៅថ្ងៃ៖
ស្តាប់ - ០៩:៥៧
មានជំងឺឆ្កួតជ្រូក មិនមែនមានន័យថាមនុស្ស មានរោគ ឆ្កួត ដូចឈ្មោះហៅទេ។ ជាងនេះទៅទៀត ជំងឺឆ្កួតជ្រូក អាចព្យាបាលបាន និងព្យាបាលជាដាច់ស្រលះទៀតផង។ តើត្រូវទៅព្យាបាលនៅទីណា? ការព្យាបាលមានប្រសិទ្ធភាពកំរិតណា ? តើត្រូវ ជួយអ្នកជំងឺឆ្កួតជ្រូកយ៉ាងដូចម្តេច ?
ឆ្កួតជ្រូក មិនមែនជាជំងឺឆ្កួត ដូចឈ្មោះដែលគេហៅនោះឡើយ។ ឆ្កួតជ្រូកគឺជាជំងឺដែលមានពាក់ព័ន្ធនឹងកោសិកាខួរក្បាល។ នៅក្នុងកោសិកាខួរក្បាលមានចរន្តអគ្គិសនី ស្រាប់នៅពេលណាមួយនោះ ចរន្តអគ្គិសនីស្រាប់តែដើរមិនស្រួល ទើបស្តែងចេញជាអាការៈជំងឺឆ្កួតជ្រូកឡើង ដូចជាប្រកាច់ ប្រកាច់មួយចំហៀងខ្លួន ពេញខ្លួនទាំងមូល ឬអាចធ្វើទុក្ខបែបផ្សេងៗទៀត ជាច្រើន មានជាអាទិ៍ មើលអ្វីប្លែកពីអ្នកដទៃ ស្តាប់ឮអ្វីប្លែកខុសពីអ្នកនៅជិតខ្លួន ជាដើម។ល។
ឆ្កួតជ្រូក ជាជំងឺដែលផ្តល់រោគសញ្ញាច្រើនយ៉ាង និងមានច្រើនទម្រង់ណាស់ អាចរាប់ដល់រាប់រយឯណោ។ ប៉ុន្តែទោះមានច្រើនប្រភេទ ច្រើនយ៉ាង ច្រើនទម្រង់យ៉ាងណាក្តី ក៏វេជ្ជសាស្ត្រអាចជួយអ្នកជំងឺឆ្កួតជ្រូកបានដែរ។ វិធីព្យាបាលអាចមានតាំងពីការលេបថ្នាំ ដល់ការវះកាត់ខួរក្បាល ក្នុងករណីធ្ងន់ធ្ងរខ្លាំង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ