កសិករនិងអ្នកជំនាញកសិកម្មបារម្ភពីអនាគតមិនច្បាស់លាស់ក្នុងការធ្វើកសិកម្មបន្លែ
ចុះផ្សាយនៅថ្ងៃ៖
ស្តាប់ - ០៨:៤៩
ពីខេត្តស្វាយរៀង កសិករនិងអ្នកជំនាញមួយក្រុមបានបង្ហាញក្ដីបារម្ភរួមគ្នាអំពីអនាគតមិនច្បាស់លាស់ក្នុងការធ្វើកសិកម្មផ្នែកបន្លែ ក្នុងសម័យឧស្សាហកម្មនាំមុខដូចសព្វថ្ងៃនេះ។ ស្ថិតក្នុង ឃុំស្វាយជ្រំ នៃស្រុកស្វាយជ្រំ ដែលនៅមិនឆ្ងាយប៉ុន្មានពីតំបន់សេដ្ឋកិច្ចពិសេសក្រុងបាវិត ខេត្តស្វាយរៀង អ្នកជំនាញកសិកម្មកត់សម្គាល់ថា ភាគច្រើននៃអ្នកដាំដុះបន្លែបច្ចុប្បន្នសុទ្ធសឹងជាមនុស្សចាស់ ខណៈយុវជនពេញកម្លាំងងាកទៅចាប់អារម្មណ៍ការងារក្នុងវិស័យឧស្សាហកម្ម ឬនិយាយជាទូទៅថា ការងាររោងចក្រ។ ដោយឡែក មនុស្សចាស់ដែលមានភាពអំណត់ក្នុងការដាំដុះ នៅតែបន្តស៊ូទ្រាំជាមួយនឹងទម្លាប់ ដាំដុះបន្លែ បន្សល់តាំងតែពីជំនាន់ដើម។