ពលរដ្ឋភាគច្រើនយល់ព្រមកាត់ផ្ទះរបស់ខ្លួនដើម្បីពង្រីកផ្លូវដែកជាថ្នូរនឹងបានប័ណ្ណកម្មសិទ្ធិ
ចុះផ្សាយនៅថ្ងៃ៖
ស្តាប់ - ០៨:២៣
ថ្ងៃទី៦តុលានេះ គឺជាទិវាសិទ្ធិលំនៅឋានពិភពលោក។ នៅកម្ពុជាសកម្មជនដីធ្លីមួយចំនួនក៏បានប្រារព្ធពិធីនេះដែរ ដោយគ្រាន់តែជួបជុំនៅគ្នាតាមផ្ទះដើម្បីហូបអាហារសមគ្គី ចែករំលែកការយល់ដឹងនៃសិទ្ធិរបស់ខ្លួន។ ក្នុងឱកាសនេះ អ្នកសារព័ត៌មានវិទ្យុបារាំងអន្តរជាតិRFI បានជួបសម្ភាសប្រជាសហគមន៍ដែលរស់នៅតាមបណ្តោយផ្លូវដែកក្នុងសង្កាត់ទឹកថ្លា រាជធានីភ្នំពេញ ។ ពលរដ្ឋភាគច្រើនបានយល់ព្រមឲ្យអាជ្ញាធរកាត់ផ្ទះឬក៏កាត់ផ្ទះដោយខ្លួនឯងចេញមួយចំណែក ដើម្បីពង្រីកផ្លូវដែក។ ការពង្រីកផ្លូវដែកដែលតាមគម្រោងគឺពង្រីកចំនួន១១ម៉ែត្រសងខាង ចេញពីអ័ក្សផ្លូវរថភ្លើង។ ដូច្នេះផ្ទះរបស់ប្រជាពលរដ្ឋខ្លះនៅសេសសល់តែ៦ម៉ែត្រឬ១០ម៉ែត្រប៉ុណ្ណោះ។