លោក ចច អេដហ្គា៖ “នឹងគ្មានប្រទេសណាដើរចេញពីអ៊ឺរ៉ុបដូចអង់គ្លេសទេ”
ចុះផ្សាយនៅថ្ងៃ៖
ស្តាប់ - ១២:៥៥
ថ្ងៃទី២៥ មីនា ២០១៧នេះ គឺជាខួប៦០ឆ្នាំនៃសន្ធិសញ្ញាទីក្រុងរ៉ូមដែលបង្កើតសហគមន៍សេដ្ឋកិច្ចអឺរ៉ុបឡើងដោយមានមូលហេតុចម្បងមួយគឺនយោបាយរួម ដើម្បីទប់ទល់នឹងសហភាពសូវៀត និងដើម្បីជៀសវាងអឺរ៉ុបធ្វើសង្គ្រាមជាមួយគ្នាឯង។ដូចនេះភ្ញៀវប្រចាំថ្ងៃរបស់វិទ្យុបារាំងគឺលោក ចច អេហ្គា ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា។ លោកឯកអគ្គរដ្ឋទូតបានលើកឡើងថា ក្រៅពីអង់គ្លេសនឹងគ្មានប្រទេសណាមួយដែលនឹងដើរចេញពីសហភាពនោះទេ។ បន្ថែមពីនេះ លោកក៏បានលើកឡើងពីបញ្ហាកម្ពុជា។ កម្ពុជាដែលលោករំពឹងថា គណបក្សទាំងពីរគឺគណបក្សប្រជាជនកម្ពុជា និងគណបក្សសង្គ្រោះជាតិនឹងខិតខំរិះរកកម្មវិធីណាដើម្បីអាចថែរក្សាបរិយាកាសល្អសម្រាប់ការបោះឆ្នោតដ៏ខ្លីខាងមុខនេះ។