ក្ដីបារម្ភរបស់ លោក ហ៊ុន សែន មានឥទ្ធិពលដល់ការសម្រេចចិត្តរបស់អាមេរិកទេ?
ចុះផ្សាយនៅថ្ងៃ៖
ស្តាប់ - ១០:៣៣
លោក ហ៊ុន សែន បានដាក់ក្ដីព្រួយបារម្ភចំពោះភាពតានតឹងបង្កឡើងដោយសហរដ្ឋអាមេរិក នៅចំពោះមុខអង្គមហាសន្និបាតអង្គការសហប្រជាជាតិលើកទី៧៣ នៅក្នុងបុរីញ៉ូវយ៉ក កាលពីថ្ងៃទី២៨កញ្ញា។ ប្រមុខរដ្ឋាភិបាលកម្ពុជា បានគូសបញ្ជាក់ថា ភាពតានតឹងដែលបង្កឡើងដោយមហាអំណាចពិភពលោកទីមួយ គឺនៅក្នុងរង្វង់ទំនាក់ទំនងការទូត និងជម្លោះផ្ទៃក្នុងជាច្រើនកន្លែងដែលកំពុងកើតឡើង។ ជាក់ស្ដែងបញ្ហាសិទ្ធិមនុស្សនាពេលបច្ចុប្បន្នបានក្លាយជាលេស សម្រាប់ការលូកដៃជ្រៀតជ្រែក ក្រោមស្លាកការពារសិទ្ធិនយោបាយ។ នេះបើតាមលោក ហ៊ុន សែន ។ ចំពោះការលើកឡើងនេះ អ្នកជំនាញផ្នែកទំនាក់ទំនងអន្តរជាតិយល់ថា ជាការដាស់ស្មារតីដល់ប្រទេសមហាអំណាច ឯទៀតឲ្យពិចារណារាល់វិធានការរបស់ខ្លួន។ តែអ្នកវិភាគថា ការថ្លែងរបស់លោក ហ៊ុន សែន នាយករដ្ឋមន្ត្រីពុំមានឥទ្ធិពលដល់ការសម្រេចរបស់អាមេរិកមកលើកម្ពុជាឡើយ។