បណ្ឌិត រស់ សុវាចា៖ «ក្រសួងមានការសោកស្តាយជាពន់ពេកចំពោះកំហុសដោយអចេតនានេះ»
ចុះផ្សាយនៅថ្ងៃ៖
ស្តាប់ - ១១:២២
នៅថ្ងៃសុក្រនេះ ក្រសួងអប់រំ បានបិទប្រកាសលទ្ធផលប្រលងសញ្ញាបត្រមធ្យមសិក្សាទុតិយភូមិ ឬបាក់ឌុប ឡើងវិញ បន្ទាប់ពីមានការតវ៉ាពីសំណាក់បេក្ខជនមួយចំនួនថាពួកគេបានបាត់បង់ពិន្ទុលើមុខវិជ្ជាគណិតវិទ្យា។ ចំពោះបញ្ហានេះ ក្រសួងអប់រំ បានចេញសេចក្តីប្រកាសថា បណ្តាលមកពីបញ្ហាបច្ចេកទេសកុំព្យូទ័រ ហើយអ្នកនាំពាក្យក្រសួងអប់រំលោក បណ្ឌិតរស់ សុវាចា ក៏បានធ្វើការសុំទោសជាសាធារណៈផងដែរ ក្នុងនាមក្រសួងអប់រំ។ តាមលោក រស់ សុវាចា ទន្ទឹមនឹងសម្តែងការសោកស្តាយ ក្រសួងនឹងទទួលយកពាក្យរិះគន់ដើម្បីស្ថាបនា ព្រមទាំងបញ្ជាក់ពីការចៀសវាងរឿងបែបនេះ នៅក្នុងការងារកំណែទម្រង់ក្រសួងអប់រំទៅអនាគត។