សង្គមស៊ីវិលថា កម្ពុជាគួរពិនិត្យស្ថានភាពសិទ្ធមនុស្ស នៅគុយវ៉ែត មុនបញ្ជូនពលករខ្មែរ៥ពាន់នាក់ ទៅដើមឆ្នាំ២០១៩
ចុះផ្សាយនៅថ្ងៃ៖
ស្តាប់ - ១២:២៩
កម្ពុជានឹងបញ្ជូនពលករ ចំនួន៥ពាន់នាក់ ទៅបម្រើការងារលើកដំបូង នៅប្រទេសគុយវ៉ែត នៅឆ្នាំ២០១៩ខាងមុខ។ នេះបើតាមការឲ្យដឹងរបស់ក្រសួងការងារកាលពីថ្ងៃទី២៥ខែតុលា ។ ក្នុងនោះ លោក អ៊ិត សំហេង រដ្ឋមន្ត្រីការងារបានបន្ថែមថា ប្រសិនបើស្ថានភាព នៅប្រទេសគុយវ៉ែតល្អប្រសើរ ស្របទៅនឹងអ្វីដែលពលករខ្មែរ ទទួលយកបាន តាមរយៈលក្ខខណ្ឌការងារល្អ ប្រាក់ឈ្នួលសមរម្យនោះ រដ្ឋាភិបាលកម្ពុជានឹងជំរុញ ឱ្យមានការបញ្ជូននេះឱ្យបានកាន់តែច្រើន។ ប៉ុន្តែយ៉ាងណាក៏សម្រាប់គម្រោងបញ្ជូនពលករ៥ពាន់នាក់ដំបូងនេះ ត្រូវបានសង្គមស៊ីវិលថា ជាចំនួនមួយច្រើនខណៈដែលបរិយាកាសសិទ្ធិមនុស្សគុយវ៉ែតនៅមិនទាន់ល្អប្រសើរនៅឡើយ។