បទយកការណ៍
អាជីពជាអ្នកសរសេរប្រវត្តិជនល្បីៗ អាចរកកម្រៃបាន៣០ដងច្រើនជាងអ្នកនិពន្ធប្រលោមលោកធម្មតា
ចុះផ្សាយនៅថ្ងៃ៖
ស្តាប់ - ០៨:៣៤
នៅកម្ពុជា អ្នកនិពន្ធដែលពឹងអាស្រ័យចុងប៊ិចជាអាជីពនោះ ប្រហែលមិនសូវមានច្រើនប៉ុន្មានទេ ហើយមានកាន់តែតិចទៅទៀត អ្នកដែលសរសេរចងក្រងពីជីវិតអ្នកដទៃ។ ព្រោះរបរជាអ្នកក្រសោបស្លាបប៉ាកកា ច្រើនតែធ្វើឲ្យម្ចាស់ទឹកខ្មៅ ស្វិតក្រពះ។ ផ្ទុយពីនេះ អ្នកនិពន្ធ ប៉ាល់ វណ្ណារីរក្ស បានបង្ហើបថា របរសរសេរជីវប្រវត្តិឲ្យអ្នកដទៃ អាចធ្វើឲ្យលោកស្រី មានកម្រិតជីវភាពល្អគ្រាន់បើជាងមុន។ ពោលគឺរកកម្រៃបានលើសពី២០ទៅ៣០ដងនៃអ្នកនិពន្ធប្រលោមលោកធម្មតា។ សូមជម្រាបថា អ្នកនិពន្ធ ប៉ាល់ វណ្ណារីរក្ស បានប្រលូកនឹងអាជីពជាអ្នកសរសេរប្រវត្តិជីវិតជូនឥស្សរជន ឬអ្នកមានមុខមាត់ អស់ជិត១៥ឆ្នាំមកហើយ។
