លោកសុខ ឥសាន៖ការវាយប្រហារផែនការ “ក៥” គឺលោកសម រង្ស៊ីចង់ឲ្យរបបប៉ុល ពតវិលមកវិញ
តាមរយៈទំព័រហ្វេសប៊ុករបស់ខ្លួន លោកសម រង្ស៊ី ប្រមុខគណបក្សប្រឆាំងដែលកំពុងស្ថិតនៅឯប្រទេសបារាំងបានបន្តវាយប្រហារទៅថ្នាក់ដឹកនាំគណបក្សកាន់អំណាចតាមរយៈការអនុវត្តផែនការ“ក៥”កាលពីអំឡុងទសវត្សរ៍៨០។ តាមលោកសម រង្ស៊ី ផែនការ “ក៥” នេះ គឺជាយុទ្ធសាស្ត្ររបស់វៀតណាម ដើម្បីសម្លាប់ពលរដ្ឋខ្មែរបន្ត ក្រោយពីរបបខ្មែរក្រហម ពោល គឺវៀតណាមបានបន្តខ្ចីដៃខ្មែរសម្លាប់ខ្មែរតាមរយៈមេដឹកនាំសម័យនោះមានលោកហ៊ុន សែន និងលោកហេង សំរិនជាដើម។ លោកសុខ ឥសាន អ្នកនាំពាក្យគណបក្សប្រជាជនកម្ពុជា បានប្រតិកម្មខ្លាំងៗចំពោះការលើកឡើងនេះដោយចាត់ទុកការវាយប្រហារលើផែនការ “ក៥” របស់លោកសម រង្ស៊ី ថា គឺចង់ឲ្យរបបខ្មែរក្រហមវិលត្រឡប់មកវិញ។ សូមស្ដាប់ប្រសាសន៍របស់លោកសុខ ឥសាន ដែលរៀបចំជូនដោយវណ្ណ សុគន្ធា៖
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៨
