ឧទ្ធរណ៍បន្តឃុំខ្លួន លោក កឹម សុខា ក្នុងពន្ធនាគារដដែល
ក្រោយបញ្ចប់សវនាការរយៈពេល២ម៉ោងនៅព្រឹកនេះ សភាស៊ើបសួរសាលាឧទ្ធរណ៍ សម្រេចបន្តឃុំខ្លួនលោក កឹម សុខា អតីតប្រធានគណបក្សសង្រ្គោះជាតិដដែល។ ខណៈ ដែលសវនាការព្រឹកនេះ មិនមានវត្តមានលោក កឹម សុខា ចូលរួមដូចការគ្រោងទុកនេះទេ។
ចុះផ្សាយនៅថ្ងៃ៖
ស្តាប់ - ០២:១៨
លោក សំ សុគង់ តំណាងមេធាវីការពារក្តីលោក កឹម សុខា ដែលបានចូលរួមសវនាការនាព្រឹកថ្ងៃទី២៧ ខែមីនានេះ បានថ្លែងប្រាប់វិទ្យុបារាំងអន្តរជាតិថា ប្រធានក្រុមប្រឹក្សាជំនុំជម្រះសភាស៊ើបសួរសាលាឧទ្ធរណ៍បានសម្រេចតម្កល់ដីកាសម្រេចពន្យារពេលឃុំខ្លួនទុកជាបានការដដែល។
មេធាវីរូបនេះបញ្ជាក់ថានៅក្នុងដីកាសម្រេចបន្តឃុំខ្លួននេះ មិនមានបញ្ជាក់ថានឹងបន្តឃុំខ្លួនលោកកឹម សុខា រយៈពេលប៉ុន្មានខែទៀតនោះទេ។ លោកបន្ថែមថា នៅក្នុងមាត្រា២០៨នៃក្រមនីតិវិធីព្រហ្មទណ្ឌអនុញ្ញាតឲ្យបន្តឃុំខ្លួនរយៈពេល៦ខែប៉ុណ្ណោះ ប៉ុន្តែនៅក្នុងដីកាសម្រេចរបស់ចៅក្រមស៊ើបសួរ គឺមិនមានកំណត់រយៈពេលនោះទេ។
លោកនាយករដ្ឋមន្ត្រីហ៊ុន សែន នៅព្រឹកនេះថ្ងៃទី២៧ ខែមីនា ក៏បានថ្លែងក្នុងពិធីប្រគល់សញ្ញាបត្រដល់ និស្សិតសកលវិទ្យាល័យអាស៊ីអឺរ៉ុបសរុបថា លោកមិនជឿថា តុលាការនឹងដោះលែងលោក កឹម សុខា អតីតមេគណបក្សសង្គ្រោះជាតិឲ្យនៅក្រៅឃុំនោះឡើយ។
សូមបញ្ជាក់ដែរថា គិតមកទល់នឹងថ្ងៃទី២៧មីនា នេះ គឺមានរយៈពេលជាង៦ខែមកហើយ ដែលប្រធានអតីតគណបក្សប្រឆាំងលោក កឹម សុខា ត្រូវបានឃុំខ្លួននៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ក្រោមការចោទប្រកាន់ពីបទក្បត់ជាតិ ឬ “សន្និដ្ឋិភាពជាមួយរដ្ឋបរទេស” តាមមាត្រា៤៤៣នៃក្រមព្រហ្មទណ្ឌកម្ពុជា។
ជាការកត់សម្គាល់សវនាការនេះ មិនមានវត្តមានលោក កឹម សុខា ចូលរួមនោះទេ ទោះបីជាមានការប្រកាសថាលោកនឹងត្រូវចូលរួមក្នុងសវនាការនាព្រឹកថ្ងៃទី២៧ ខែមីនានេះក្តី។ តំណាងក្រុមមេធាវីមិនអាចបញ្ជាក់បានទេ ពីមូលហេតុនៃអវត្តមាន លោក កឹម សុខា នៅក្នុងសវនាការ។ តំណាងក្រុមមេធាវីម្នាក់បញ្ជាក់ថា ការសួរដេញដោល ដែលមិនមានការចូលរួមពីលោក កឹម សុខា មិនមានលក្ខណៈទូលំទូលាយក្នុងការផ្តល់យុត្តិធម៌ដល់កូនក្តីរបស់លោកនោះទេ។
ចំណែកឯនៅក្រៅបរិវេណសាលាឧទ្ធរណ៍នៅព្រឹកថ្ងៃទី២៧ ខែមីនា មានការដាក់ពង្រាយរបាំងបិទផ្លូវមិនឲ្យមានការធ្វើចរាចរណ៍លើកំណាត់ផ្លូវមួយចំនួន ដែលស្ថិតនៅក្បែរបរិវេណសាលាឧទ្ធរណ៍។ ក្រៅពីនេះ ក៏មានកម្លាំងសន្តិសុខខណ្ឌ និងកងរាជអាវុធហត្ថរាប់សិបនាក់ត្រូវបានដាក់ពង្រាយ។ អ្នកគាំទ្រអតីតគណបក្សសង្រ្គោះជាតិ អតីតតំណាងរាស្ត្ររបស់គណបក្សនេះ និងអង្គការសង្គមស៊ីវិល ក៏មានវត្តមាននៅខាងក្រៅបរិវេណសាលាឧទ្ធរណ៍ ហើយសកម្មភាព
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ