ព្រឹត្តិការណ៍កម្ពុជាប្រចាំថ្ងៃ
សេចក្តីថ្លែងការណ៍អាស៊ានដែលគ្មានចំណុចក្តៅ អាចផ្តល់យុត្តិធម៌សម្រាប់កម្ពុជា?
ចុះផ្សាយនៅថ្ងៃ៖
ស្តាប់ - ១០:៤០
សេចក្តីសម្រេចរបស់តុលាការមជ្ឈត្តិកម្មអចិន្ត្រៃយ៍ទីក្រុងឡាអេកាលពីថ្ងៃទី១២ ខែកក្កដាកន្លងទៅ ដែលផ្តល់ឲ្យប្រទេសហ្វីលីពីនឈ្នះក្តីចិន ក្នុងករណីវិវាទដែនទឹកសមុទ្រចិនខាងត្បូង ត្រូវគេមើលឃើញថាជាឧបសគ្គ ដែលអាចនឹងរារាំង មិនឲ្យអាស៊ានចេញសេចក្តីថ្លែងការណ៍រួមបានពីថ្ងៃអាទិត្យ។ ក៏ប៉ុន្តែទីបំផុតសេចក្តីថ្លែងការណ៍រួមអាស៊ានទីក្រុងវៀងច័ន្ទប្រទេសឡាវ ទីដែលរដ្ឋមន្ត្រីការបរទេសអាស៊ានជួបប្រជុំគ្នា ត្រូវបានប្រកាសកាលពីថ្ងៃចន្ទម្សិលមិញ ដោយមិនបាននិយាយដល់សេចក្តីសម្រេចតុលាការក្រុងឡាអេឡើយ។