លោក អាត់ ធន់៖ «ប្រទេសមួយចំនួនជាប់ឈ្មោះជាប្រទេសរំលោភអនុសញ្ញាអន្តរជាតិលេខ៨៧ ក្នុងនោះមានកម្ពុជាដែរ»
ចុះផ្សាយនៅថ្ងៃ៖
ស្តាប់ - ១០:៤៦
ជារៀងរាល់ឆ្នាំកិច្ចប្រជុំគណៈកម្មាធិការរបស់អង្គការអន្តរជាតិខាងការងារ(ILO) ត្រូវបានរៀបចំឡើងរយៈពេលពីរសប្តាហ៍នៅទីក្រុងហ្សឺណែវ ប្រទេសស្វីស។ ជាកិច្ចប្រជុំដែលមានការចូលរួមពីគ្រប់ភាគី នៃប្រទេសដែលជាសមាជិកអង្គការILO ក្នុងនោះមានតំណាងសហជីពកម្មករ តំណាងនិយោជក និងតំណាងរដ្ឋាភិបាល។ សម្រាប់ភាគីសហជីព លោក អាត់ ធន់ ប្រធានសហភាពការងារកម្ពុជា ជាតំណាងនឹងលើកឡើងនូវបទអន្តរាគមន៍របស់លោកនៅប៉ុន្មានម៉ោងខាងមុខនេះ នឹងរៀបរាប់ពីហេតុការណ៍ផ្សេងៗទាក់ទងទៅនឹងការរំលោភលើសេរីភាពសហជីព និងស្នើសុំផងដែរឲ្យមានការកែប្រែឲ្យប្រសើរឡើងនូវស្ថានភាពសិទ្ធិសហជីពនៅក្នុងប្រទេសកម្ពុជា។