អ្នកស្រលាញ់ការអាន ចង់ឱ្យមានការតែងនិពន្ធសៀវភៅប្រលោមលោកកាន់តែច្រើន
ចុះផ្សាយនៅថ្ងៃ៖
ស្តាប់ - ០៩:៥២
សៀវភៅប្រលោមលោកពីរក្បាល ដែលជាចំណងដៃចុងក្រោយរបស់លោកស្រី ប៊ុនចាន់ សុខសេរី ទើបបានសម្ពោធជាផ្លូវការ កាលពីថ្ងៃទី ៣ ឧសភា ដោយមានអ្នកចូលរួម ដែលភាគច្រើនគឺជាយុវជន។ សៀវភៅប្រលោមពីរក្បាលចុងក្រោយ បន្ទាប់ពីបាននិពន្ធសៀវភៅប្រលោមលោកចំនួន៦ក្បាល រួចមក របស់លោកស្រី សុខសេរី បានទទួលបានការគាំទ្រយ៉ាងខ្លាំងពីសំណាក់អ្នកដែលចូលចិត្តអានសៀវភៅ ព្រោះថា ជាប្រលោមលោកដែលបង្កប់ដោយទស្សនៈវិជ្ជាក្នុងជីវិត និងបញ្ចូលរឿងរ៉ាវប្រវត្តិសាស្រ្តផង។ អ្នកដែលបានចូលរួមក្នុងកម្មវិធីសម្ពោធសៀវភៅទាំងពីរក្បាលនេះ បានលើកឡើងស្រដៀងគ្នា ពួកគេចង់ឱ្យមានការតែងនិពន្ធ ឬសរសេរប្រលោមលោក ឱ្យកាន់តែច្រើន ជាជាងការយកប្រលោមលោកពីបរទេសមកបកប្រែជាភាសាខ្មែរ។