ព្រះសង្ឃ ចង់ឲ្យមានការអប់រំភ្ជាប់នឹងព្រះពុទ្ធសាសនា ដើម្បីបណ្តុះសីលធម៌សង្គម
ចុះផ្សាយនៅថ្ងៃ៖
ស្តាប់ - ០៩:១៩
នៅក្នុងប្រទេសកម្ពុជា គេពុំសូវឃើញមានច្រើននោះទេ សាលារៀនដែលយកព្រះពុទ្ធសាសនា ទៅផ្សាភ្ជាប់ការអប់រំរបស់ខ្លួន។ ប៉ុន្តែសាលាបឋមសិក្សាវត្តបូព៌ ក្នុងទីរួមខេត្តសៀមរាប បានដាក់បញ្ជូលការអប់រំតាមបែបព្រះពុទ្ធសាសនា ជាមួយនឹងការអប់រំចំណេះដឹងទូទៅ។ ជារៀងរាល់សប្តាហ៍ថ្ងៃព្រហស្បតិ៍ សាលារៀនមួយនេះ បាននិមន្តព្រះសង្ឃពីវត្តរាជបូព៌ ដែលនៅជាប់នឹងសាលា មកបង្ហាត់បង្រៀនធម៌វិន័យ និងសីលធម៌ដល់កុមារតូចៗ ក្នុងសាលារៀន ដែលមានសិស្សជាច្រើនពាន់នាក់។ នាយកសាលានេះ យល់ថា ការយកព្រះពុទ្ធសាសនាមកអប់រំ ដល់កុមារតូចៗ ជាកត្តាសំខាន់បំផុត ដើម្បីធ្វើឲ្យពួកគេក្លាយជាមនុស្សសកលដែលពោរពេញដោយគុណធម៌ និងសីលធម៌។ ចំណែកព្រះសង្ឃដែលមកបណ្តុះបណ្តាលដល់កុមារ ក៏ចង់ឲ្យការអប់រំបែបនេះ មានគ្រប់នៅតាមគ្រឹះស្ថានអប់រំ មិនមែនមានតែនៅសាលាបឋមសិក្សាវត្តបូព៌ តែមួយនោះទេ។
