បំណុលអាមេរិកគួរត្រូវលុបចោល ឬក៏កម្ពុជាត្រូវសង និងសងដោយរបៀបណា!
ចុះផ្សាយនៅថ្ងៃ៖
ស្តាប់ - ១០:៤៤
គិតទាំងដើមទាំងចុង កម្ពុជាជំពាក់បំណុលអាមេរិកចំនួនជិត ៥០០លានដុល្លារ ដែលបំណុលនេះកើតឡើងនៅក្នុងរបបសាធារណៈរដ្ឋខ្មែររបស់លោកសេនាប្រមុខលន់ នល់ ចន្លោះឆ្នាំ ១៩៧០-៧៥។ បន្ទុកនៃការសងបំណុលនេះ ត្រូវធ្លាក់មកលើរដ្ឋាភិបាលកម្ពុជាបច្ចុប្បន្ន។ ជាការកត់សម្គាល់ មួយរយៈចុងក្រោយនេះប្រមុខរដ្ឋាភិបាលកម្ពុជា តែងលើកឡើងពីបញ្ហាបំណុលនេះ តាមរយៈការរកឃើញតឹកតាងថ្មីៗ ដែលថាសហរដ្ឋអាមេរិកធ្លាប់បានប្រើគ្រាប់បែកចង្កោម និង អាវុធគីមីដែលមានការហាមឃាត់មកលើទឹកដីកម្ពុជា ជាហេតុធ្វើឲ្យមានការលើកឡើង និងការបន្ទរតាមគ្នាថាអាមេរិកគួរតែពិចារណាលើការឲ្យកម្ពុជាសងបំណុលខ្លួន ដែលកូនបំណុលពិព័ណ៌នាថាជាបំណុលកខ្វក់ ក្នុងសម័យសង្គ្រាម។