លោក សែម សុវណ្ណនី៖ «អង្គការសហប្រជាជាតិនឹងដាក់ដេញថ្លៃក្រុមហ៊ុនដឹកជញ្ជូនសពតាមយន្តហោះមកកម្ពុជា បន្ទាប់ពីរៀបចំហើយ»
ចុះផ្សាយនៅថ្ងៃ៖
ស្តាប់ - ១១:៣២
សពទាហានមួកខៀវកម្ពុជា៤នាក់ ដែលបានស្លាប់ដោយការវាយប្រហាររបស់ពួកឧទ្ទាមនៅសាធារណរដ្ឋអាហ្វ្រិកកណ្តាល នឹងត្រូវដឹកជញ្ជូនតាមជើងយន្តហោះមកដល់កម្ពុជាដោយការដេញថ្លៃដឹកជញ្ជូនបន្ទាប់ពីពិធីគោរពវិញ្ញាណខន្តផ្លូវការ។ នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិកងកម្លាំងរក្សាសន្តិភាព និងបោសសំអាតកាកសំណល់សង្គ្រាមឲ្យដឹងថា បន្ទាប់ពីកងទ័ពកម្ពុជាជួបហេតុការណ៍ដ៏អាក្រក់នេះ អង្គភាពសម្រេចឲ្យកងកម្លាំងមួកខៀវកម្ពុជា សំរាក មួយរយៈ ហើយប្រជុំរៀបចំជាថ្មីរវាងកងកម្លាំងការពារនិងកម្លាំងស្ថាបនាផ្លូវ ដើម្បីធានាបាននូវសុវត្ថិភាពជាថ្មី។