បទយកការណ៍
ចាប៉ីដែលមានអ្នកចេះលេង ចេះផលិតកាន់តែតិច តែមានអ្នកចេះច្នៃចាប៉ីបំពាក់គ្រឿងអេឡិចត្រូនិចបាន
ចុះផ្សាយនៅថ្ងៃ៖
ស្តាប់ - ០៨:០៧
ខុសពីឧបករណ៍តន្រ្តីសម័យ ដែលគេមានខ្សែ មានគ្រឿងអេឡិចត្រូនិច សម្រាប់ទាញស្រូប សំឡេងដោយស្វ័យប្រវត្តិបាន ឧកបរណ៍ភ្លេងបុរាណខ្មែរ ដូចជា ទ្រ ខ្លុយ តាខេ ឃឹម មិនមានការបំពាក់បច្ចេកទេសស្រូបទាញសំឡេងបែបនោះឡើយ។ ទើបតែពេលនេះ មានលោក ឡុង បុរ៉ារិទ្ធ អាយុ ៣៦ឆ្នាំ ដែលស្រឡាញ់ចាប៉ីដងវែង លោកអាចច្នៃគ្រឿងអេឡិចត្រូនិច មកបំពាក់លើចាប៉ីដងវែងបាន។ ចាប៉ីដងវែង ដែលគេព្រួយបារម្ភពីការបន្តវេនដោយសារអ្នកចេះលេង អ្នកចេះផលិត អ្នកចូលចិត្តស្តាប់ មានចំនួនតិចៗទៅ ទំនងមានសំឡេងកាន់តែពិរោះ ច្បាស់ តាមរយៈការបំពាក់ឧបរកណ៍អេឡិចត្រូនិចនេះ។
