លោកឈាង វណ្ណារិទ្ធិ៖ “CLMV គឺជាកិច្ចប្រជុំការកាត់បន្ថយគម្លាតរវាងអាស៊ានចាស់ និងអាស៊ានថ្មី ហើយក៏ជាភូមិសាស្ត្រ ដែលមហាអំណាចចាប់អារម្មណ៍”
ចុះផ្សាយនៅថ្ងៃ៖
ស្តាប់ - ១១:១៣
កិច្ចប្រជុំស្តីពីប្រទេសមហាអនុតំបន់ទន្លេមេគង្គ ដែលបានបើកធ្វើឡើងនៅវៀតណាម បានបញ្ចប់ហើយនៅថ្ងៃទី ២៦តុលានេះ។ ២០១៦នេះ គឺជាកិច្ចប្រជុំលើកទី ៨ ដែលប្រទេសទាំង ៤គឺកម្ពុជា ឡាវ ម៉ីយ៉ាន់ម៉ា ឬភូមា និងវៀតណាម ដែលគេអាចហៅជាភាសាអង់គ្លេសCLMV បានបើកកិច្ចប្រជុំជាប្រចាំ។ ដូចនេះភ្ញៀវប្រចាំថ្ងៃរបស់វិទ្យុបារាំងយើងនៅថ្ងៃនេះ គឺលោក ឈាង វណ្ណារិទ្ធិ ប្រធានវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ និងអ្នកសិក្សាស្រាវជ្រាវតំបន់អាស៊ី។ អ្នកជំនាញរូបនេះ បានអះអាងថាកិច្ចប្រជុំ CLMV គឺជាកិច្ចប្រជុំ ដែលផ្តោតលើការពង្រឹងវិស័យសេដ្ឋកិច្ច ដើម្បីកាត់បន្ថយគម្លាតរវាងប្រទេសអាស៊ានចាស់ និងអាស៊ានថ្មីដែលមានកំណើនសេដ្ឋកិច្ចខ្ពស់។
