លោក Raoul-Marc Jennar ប្រតិកម្មទៅនឹងការលើកឡើងរបស់លោក សម រង្ស៊ី រឿង៧មករា
លោក Raoul-Marc Jennar ទីប្រឹក្សារាជរដ្ឋាភិបាលកម្ពុជា និងជាអ្នកជំនាញសង្គមនិងនយោបាយកម្ពុជា បានថ្លែងប្រាប់ RFI ថា លោកសម រង្ស៊ី អតីតប្រធានគណបក្សប្រឆាំង ទំនងបានបំភ្លេចប្រវត្តិសាស្ត្រកម្ពុជា និងថាលោកសម រង្ស៊ី កំពុងព្យាយាមដុតបញ្ឆេះកំហឹងឲ្យមានការរើសអើងនឹងវៀតណាម។ ការថ្លែងរបស់លោក Raoulបែប នេះ ធ្វើឡើងបន្ទាប់ពីលោកសម រង្ស៊ី បានសរសេរនៅលើទំព័រហ្វេសប៊ុករបស់លោកកាលពីថ្ងៃទី៥មករាកន្លងទៅនេះថា ថ្ងៃ៧មករា ១៩៧៩ គឺជាឆាកល្ខោនដែលយួនបានរៀបចំទាំងអស់។ លោក សម រង្ស៊ី លើកឡើងថា មួយផ្នែកធំនៃរឿងរ៉ាវទាំងអស់ក្នុងរយៈពេលជិត៥០ឆ្នាំកន្លងមកនេះ គឺមានការរៀបចំយ៉ាងសកម្មដោយយួនកុម្មុយនីស្ត ដើម្បីលេបត្របាក់ទឹកដីនិងបំភ័ន្តភ្នែកប្រជារាស្ត្រខ្មែរ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:២៧
