តើ២៤ឆ្នាំមកនេះ រដ្ឋធម្មនុញ្ញកម្ពុជាត្រូវបានគោរពពេញលេញដែរឬទេ?
ចុះផ្សាយនៅថ្ងៃ៖
ស្តាប់ - ១១:៥៥
គិតត្រឹមថ្ងៃទី២៤ ខែកញ្ញាឆ្នាំ២០១៧ គឺរយៈពេល២៤ឆ្នាំគត់នៃអាយុកាលរដ្ឋធម្មនុញ្ញកម្ពុជា បន្ទាប់ពីត្រូវបានប្រកាសឲ្យប្រើប្រាស់កាលពីថ្ងៃទី២៤ ខែកញ្ញា ឆ្នាំ១៩៩៣។ ម្សិលមិញ ក្រុមប្រឹក្សាធម្មនុញ្ញដែលជាស្ថាប័នធានាការពារ ការគោរព ក៏ដូចជាបកស្រាយរដ្ឋធម្មនុញ្ញ បានរៀបចំសន្និសីទមួយស្តីពី៖ «សមិទ្ធផល២៤ឆ្នាំនៃការអនុវត្តរដ្ឋធម្មនុញ្ញនៃព្រះរាជាណាចក្រកម្ពុជា»។ សន្និសីទនេះ ធ្វើឡើងចំពេលដែលអ្នកនយោបាយ បក្សប្រឆាំង អ្នកវិភាគ ក៏ដូចជាអង្គការសិទ្ធិមនុស្សមួយចំនួន នាំគ្នាបរិហាថា រដ្ឋធម្មនុញ្ញត្រូវបានអ្នកមានអំណាចរំលោភបំពាន។ ប៉ុន្តែក្រុមប្រឹក្សាធម្មនុញ្ញ និងគណបក្សកាន់អំណាចអះអាងថា រដ្ឋធម្មនុញ្ញកម្ពុជាត្រូវបានគោរពយ៉ាងត្រឹមត្រូវទៅវិញ។