មេដឹកនាំសហជីព៖ កម្មករសំណង់ នៅតែប្រឈមនឹងហានិភ័យសុវត្ថិភាពការងារដដែល
កម្មករសំណង់នៅក្នុងប្រទេសកម្ពុជា កំពុងស្ថិតក្នុងស្ថានភាពប្រឈមនឹងគ្រោះថ្នាក់នៅឡើយ។ នេះជាការលើកឡើងរបស់លោក សុខ គីន ប្រធានសហព័ន្ធសហជីពកម្មករសំណង់ និងព្រៃឈើកម្ពុជា។ ការលើកឡើងដូច្នេះ គឺបន្ទាប់ពីមានហេតុការណ៍ធ្លាក់បាក់បន្ទាកម្ពស់១៦ម៉ែត្រ សង្កត់លើកម្មករ៣នាក់ស្លាប់ នៅក្នុងសំណង់ខុនដូរមួយស្ថិតក្នុងខ័ណ្ឌដូនពេញ កាលពីសប្តាហ៍មុន។ តាមសហជីព ក្រុមហ៊ុនសំណង់ធំៗ ដែលមានឈ្មោះបោះសម្លេង និងមានការទទួលស្គាល់ស្តង់ដារសាងសង់ មិនសូវមានបញ្ហាប្រឈមផ្នែកសុវត្ថិភាពសម្រាប់កម្មករទេ។ ផ្ទូយទៅវិញក្រុមហ៊ុនសាងសង់ ភាគច្រើនជារូបភាពម៉ៅការបន្ត គឺមិនបានយកចិត្តទុកដាក់ពីបញ្ហាសុវត្ថិភាពរបស់កម្មករឡើយ ហើយពាក្យថា «សុវត្ថិភាពជាចម្បង» នៅក្នុងទ្រឹស្តីសំណង់ ក៏គ្មានដែរ។ ក្រៅពីនេះ លោក សុខ គីន ក៏បានបញ្ជាក់ផងដែរថាសហជីពរបស់លោក បានទទួលដំណឹងស្តីពីការបោកប្រាស់ប្រាក់ឈ្នួលកម្មករ ពីសំណាក់ថៅកែសំណង់ម៉ៅការបន្តស្ទើរតែរៀងរាល់ថ្ងៃ។
ចុះផ្សាយនៅថ្ងៃ៖
សូមស្តាប់ការលើកឡើងរបស់ លោក សុខ គីន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ