វប្បធម៌លាបពណ៌នៅក្នុងចំណោមអ្នកគាំទ្របក្សប្រឆាំង នឹងអាចលុបបំបាត់បានទេ?
ចុះផ្សាយនៅថ្ងៃ៖
ស្តាប់ - ១០:៥៣
កញ្ញាកឹម មនោវិទ្យា កូនស្រីច្បងលោក កឹម សុខា កាលពីថ្ងៃម្សិលមិញបានសរសេរនៅលើបណ្តាញសង្គមរបស់នាងជុំវិញការបង្រួបបង្រួមបក្សប្រឆាំងមួយលើកជាពីរលើក ដោយឆ្លងកាត់ពេលវេលាវែងឆ្ងាយ និងការលំបាក។ ជាមួយគ្នានេះ កញ្ញា ក៏បានលើកឡើងពីយុទ្ធនាការលាបពណ៌របស់ក្រុម លោក សម រង្ស៊ី គឺបាននិងកំពុងខំប្រឹងយ៉ាងពេញទំហឹង ក្នុងការមួលបង្កាច់ លោក កឹម សុខា ថាជាអាយ៉ងបក្សកាន់អំណាច ដោយភ័យជ្រួលច្របល់ខ្លាចលោក កឹម សុខា ទទួលបានការលើកលែងទោសពីព្រះមហាក្សត្រ។ ជុំវិញបញ្ហាលាបពណ៌ ដែលកញ្ញា កឹម មនោវិទ្យា ប្តេជ្ញាថានឹងលុបបំបាត់វប្បធម៌នេះឲ្យបាន ត្រូវអ្នកតាមដាននយោបាយកម្ពុជា មើលឃើញថា ជាការសាចទឹកដាក់គ្នា នៅក្នុងចំណោមអ្នកប្រឆាំងតែប៉ុណ្ណោះ។
