គួរមានដំណោះស្រាយនយោបាយរវាងខ្មែរនិងខ្មែរ ដើម្បីរក្សា EBA មុនការសម្រេចចិត្តរបស់អឺរ៉ុប?
ចុះផ្សាយនៅថ្ងៃ៖
ស្តាប់ - ១០:៥៥
អតីតតំណាងរាស្ត្រគណបក្សសង្គ្រោះជាតិចំនួន៣រូប ដែលបានសុំសិទ្ធិធ្វើនយោបាយឡើងវិញ កាលពីពេលកន្លងទៅនេះ បានធ្វើសេចក្តីថ្លែងការណ៍ជាក្រុមមួយ ដោយអំពាវនាវឲ្យអ្នកដឹកនាំនយោបាយគ្រប់និន្នាការ គួរងាកទៅរកដំណោះស្រាយបញ្ហាចំពោះមុខរវាងខ្មែរនិងខ្មែរ ដើម្បីបញ្ចប់វិបត្តិនយោបាយ និងរក្សាបានប្រព័ន្ធអនុគ្រោះពន្ធ EBA និង GSP ព្រមទាំងស្តារលទ្ធិប្រជាធិបតេយ្យ និងការគោរពសិទ្ធិមនុស្សពេញលេញឡើងវិញ។ ការថ្លែងរបស់អតីតអ្នកតំណាងរាស្ត្របក្សប្រឆាំងដូច្នេះ គឺធ្វើឡើងស្របពេលដែលគណៈប្រតិភូសហភាពអឺរ៉ុបកំពុងស្ថិតនៅក្នុងប្រទេសកម្ពុជា ដើម្បីបន្តបេសកកម្មស្វែងរកការពិតពីស្ថានភាពសិទ្ធិមនុស្ស ដែលជាចំណែកមួយនៃដំណើរការនីតិវិធីព្យួរ EBA។
