តើសុវត្ថិភាពកម្មករសំណង់នៅតែប្រឈមនឹងហានិភ័យខ្ពស់ក្នុងការងារ?
ចុះផ្សាយនៅថ្ងៃ៖
ស្តាប់ - ១២:៥៦
កម្មករសំណង់នៅក្នុងប្រទេសកម្ពុជា កំពុងស្ថិតក្នុងស្ថានភាពប្រឈមនឹងគ្រោះថ្នាក់នៅឡើយ បន្ទាប់ពីមានហេតុការណ៍ធ្លាក់បាក់បន្ទាកម្ពស់១៦ម៉ែត្រ សង្កត់លើកម្មករ៣នាក់បណ្តាលឲ្យស្លាប់ នៅក្នុងសំណង់ខុនដូរមួយកន្លែង ស្ថិតក្នុងខ័ណ្ឌដូនពេញ កាលពីសប្តាហ៍មុន។ អ្នកធ្វើការងារលើការការពារផលប្រយោជន៍របស់កម្មករសំណង់ បានទទូចសុំឲ្យរដ្ឋាភិបាលកម្ពុជា និងភាគីពាក់ព័ន្ធធ្វើយ៉ាងណា កាត់បន្ថយហានិភ័យលើសុវត្ថិភាពកម្មករសំណង់នៅកម្ពុជាឲ្យនៅកម្រិតទាបបំផុត ខណៈដែលរដ្ឋសភាកម្ពុជា ទើបតែអនុម័តលើសេចក្តីព្រាងច្បាប់ស្តីពីសំណង់ កាលពីដើមខែតុលាឆ្នាំ២០១៩នេះ។ ប៉ុន្តែសំណួរសួរថា តើគ្រប់គ្រាន់ហើយឬនៅ?