តើការលូកដៃចូលកិច្ចការនយោបាយរបស់កម្ពុជាផ្តល់ប្រយោជន៍យ៉ាងណាដល់ប្រទេសមហាអំណាច?
ចុះផ្សាយនៅថ្ងៃ៖
ស្តាប់ - ១០:៥៥
លោកនាយករដ្ឋមន្រ្តីហ៊ុន សែន តាមរយៈសារលិខិតក្នុងឱកាសទិវាសន្តិភាពអន្តរជាតិកាលពីម្សិលមិញបានអះអាងថា សន្តិភាពរបស់កម្ពុជាកំពុងស្ថិតនៅក្នុងលក្ខណៈផុយស្រួយ ដោយសារតែការគំរាមកំហែង និង ការបន្តយាយី និង អន្តរាគមន៍ចូលកិច្ចការផ្ទៃក្នុងឥតឈប់ឈរពីមជ្ឈដ្ឋានខាងក្រៅ ជាពិសេសពីបណ្តាប្រទេសមហាអំណាច និង ប្រទេសលោកខាងលិចមួយចំនួន។ នេះ មិនមែនជាលើកទីមួយទេដែលលោកនាយករដ្ឋមន្រ្តីហ៊ុន សែន លើកឡើងពីការលូកដៃចូលកិច្ចការផ្ទៃក្នុងកម្ពុជាពីសំណាក់ប្រទេសមហាអំណាចបែបនេះ។ កន្លងមក លោកក៏ធ្លាប់បានលើកឡើងជារើយៗ និងបានទាមទារឱ្យប្រទេសទាំងនោះបញ្ឈប់ការជ្រៀតជ្រែកចូលកិច្ចការផ្ទៃក្នុងរបស់កម្ពុជាថែមទៀត។តើការលូកដៃចូលកិច្ចការផ្ទៃក្នុងរបស់កម្ពុជាផ្តល់ផលប្រយោជន៍អ្វីខ្លះដល់ប្រទេសមហាអំណាច?