បាក់រលំអាគារនៅព្រះសីហនុ៖ ការទាមទារឲ្យដាស់ទោសទណ្ឌនៅតែមាន ទោះមានការលាលែងពីតំណែង
ចុះផ្សាយនៅថ្ងៃ៖
ស្តាប់ - ១៣:១៩
លោកនាយករដ្ឋមន្ត្រីហ៊ុន សែន កាលពីថ្ងៃម្សិលមិញ បានបញ្ជាក់ថា លោកយន្ត មីន អភិបាលខេត្តព្រះសីហនុបានស្នើសុំមកលោក ដើម្បីលាលែងពីតំណែងអភិបាលខេត្តនេះ។ ហើយលោកនាយករដ្ឋមន្ត្រីក៏បានយល់ព្រមតាមសំណើនេះ។ ការលាលែងពីតំណែងរបស់លោក យន្ត មីន ធ្វើឡើងបន្ទាប់ពីមានការរិះគន់យ៉ាងខ្លាំងមកលើសមត្ថកិច្ចរបស់លោក និងទាមទារឲ្យលោកចុះចេញពីតំណែង ក្រោយពីឧបទ្ទវហេតុបាក់រលំអាគារស្លាប់មនុស្សចំនួន២៨នាក់។ ជុំវិញរឿងនេះ, ប្រតិកម្មស្វាគមន៍ និងការទាមទារឲ្យដាក់ទោសទណ្ឌ លើមន្ត្រីពាក់ព័ន្ធនៅតែបន្តមានហូរហែ។ ខាងក្រោមនេះគឺជាប្រតិកម្មរបស់អង្គការសង្គមស៊ីវិល និងអ្នកនយោបាយក្នុងប្រទេសកម្ពុជា។