បំរាមការងារលើជនបរទេសចំនួន១០ប្រភេទ នឹងនៅតែប៉ះពាល់ដល់មុខរបរពលរដ្ឋខ្មែរឬ?
ចុះផ្សាយនៅថ្ងៃ៖
ស្តាប់ - ១១:៥១
ក្រសួងការងារ កាលពីថ្ងៃពុធម្សិលមិញ បានចេញប្រកាសមួយ ស្តីពីការកំណត់ប្រភេទមុខរបរ និងការងារដែលត្រូវហាមឃាត់ចំពោះជនបរទេស។ សកម្មភាពស្វ័យនិយោជន៍របស់ជនបរទេស១០មុខ ដែលក្រសួងហាមឃាត់នោះមាន អ្នកបើកបរយានជំនិះគ្រប់ប្រភេទជាលក្ខណៈអាជីវកម្ម អ្នកលក់ដូរដោយមធ្យោបាយថ្មើរជើង ឬយានជំនិះគ្រប់ប្រភេទ នៅទីសាធារណៈ អ្នកម៉ាស្សា ចាប់សរសៃតាមទីសាធារណៈ អ្នកកាត់សក់ អ៊ុតសក់ និងអ្នកថែរក្សាសម្ផស្ស អ្នកផ្តល់សេវាកម្មដេរ និងសម្អាតស្បែកជើង អ្នកកាត់ដេរ អ្នកប៉ះកង់ ជាងជួសជុលយានយន្ត អ្នកផលិតវត្ថុអនុស្សាវរីយ៍ខ្មែរ អ្នកផលិតឧបករណ៍ភ្លេងខ្មែរ បាត្រលោក ព្រះពុទ្ធរូប និងជាងទង ជាងច្នៃត្បូងជាដើម។ បំរាមនេះ ត្រូវអ្នកពាក់ព័ន្ធយល់ថា នៅតិចតួច ធៀបនឹងការងារអាទិភាពសម្រាប់ពលរដ្ឋខ្មែរ ដែលមាននៅក្នុងប្រទេស។
