តើរដ្ឋាភិបាលកម្ពុជាកំពុងតែធ្វើអ្វីៗដើម្បីឆ្លើយតបនឹងលក្ខខណ្ឌរបស់សហភាពអឺរ៉ុប?
ចុះផ្សាយនៅថ្ងៃ៖
ស្តាប់ - ១០:៣០
ក្រោយពេលលោកនាយករដ្ឋមន្រ្តី ហ៊ុន សែន មកពីទស្សនៈកិច្ចនៅប្រទេសមួយចំនួនក្នុងតំបន់អឺរ៉ុប និងអាមេរិក រដ្ឋាភិបាលកម្ពុជាហាក់មានការបន្ទន់ជំហរជាមួយអង្គការសង្គមស៊ីវិល និងសហជីព នៅកម្ពុជា។ ការកត់សំគាល់បែបនេះ ដោយសារតែក្រសួងមហាផ្ទៃកាលពីថ្ងៃទី២៧ខែវិច្ឆិកាបានចេញប្រកាសឲ្យអង្គការ និងសមាគមដែលបានចុះបញ្ជីត្រឹមត្រូវ អាចធ្វើសកម្មភាពរបស់ខ្លួនដោយមិនចាំបាច់ជូនដំណឹងទៅអាជ្ញាធរមូលដ្ឋានជាមុនទៀតឡើយ។ ជាថ្មីម្តងទៀត លោកប្រមុខរដ្ឋាភិបាល ក៏បានជំរុញឲ្យស្ថាប័នពាក់ព័ន្ធត្រូវបញ្ចប់សំណុំរឿងក្តីដែលមេដឹកនាំសហជីពមួយចំនួនត្រូវបានរងបណ្តឹងនាពេលកន្លងមកនោះ ឲ្យចប់ត្រឹមឆ្នាំ២០១៨នេះ។ តើចំណាត់ការរដ្ឋាភិបាលកម្ពុជាពេលនេះកំពុងតែឆ្លើយតបនឹងលក្ខខណ្ឌរបស់សហភាពអឺរ៉ុប ដើម្បីបានបន្តការអនុគ្រោះពន្ធឬ?