វិស័យកីឡាកម្ពុជាកំពុងឆ្ពោះទៅមុខ តែការបោះជំហាននៅមិនទាន់ស្មើគ្នា
ចុះផ្សាយនៅថ្ងៃ៖
ស្តាប់ - ០៨:០២
ទង់ជាតិរបស់កម្ពុជា កំពុងបក់រវិចនៅទីក្រុងរ៉ីយ៉ូ (Rio) ប្រទេសប្រេស៊ីល ខណៈដែលអត្តពលិកកម្ពុជា៦រូប កំពុងចូលរួមប្រកួតលើ៤ប្រភេទវិញ្ញាសារ នៅក្នុងព្រឹត្តិការណ៍កីឡាអូឡាំពិករដូវក្តៅលើកទី៣១ ដែលបានបើកជាផ្លូវការនៅថ្ងៃទី៦ សីហាឆ្នាំ២០១៦ម៉ោងនៅក្នុងប្រទេសកម្ពុជា។ ទោះបីជា កម្ពុជាមានសង្ឃឹមតិចតួច ក្នុងការដណ្តើមមេដាយពីព្រត្តិការណ៍ដែលមាន អត្តពលិកជាង១ម៉ឺននាក់ មកពី២០៧ជាតិសាសន៍ចូលរួមនេះក្តី តែវត្តមានរបស់កម្ពុជាលើឆាកអន្តរជាតិនេះ គឺជាមោទនភាពមួយ។ ទន្ទឹមគ្នានេះ ក្រុមអ្នកធ្វើការងារខាងវិស័យកីឡា និងអ្នកអត្ថាធិប្បាយកីឡាលើកញ្ចក់ទូរទស្សន៍ក្តី បានមើលឃើញថា វិស័យកីឡាកម្ពុជាកំពុងបោះជំហានទៅមុខ បើទោះបីជាការបោះជំហាននោះ មិនទាន់ស្មើគ្នាក្តី។
