លោក រៀល ខេមរិន្ទ៖ «បើបក្សត្រូវបានតុលាការរំលាយហើយ តើខ្ញុំមានបក្សឯណាដែលត្រូវក្បត់»
ចុះផ្សាយនៅថ្ងៃ៖
ស្តាប់ - ១១:៥១
ក្រសួងមហាផ្ទៃកាលថ្ងៃទី១៨ ខែកញ្ញា ម្សិលមិញ បានសម្រេចទទួលចុះឈ្មោះ «គណបក្សខ្មែរអភិរក្សនិយម» របស់លោក រៀល ខេមរិន្ទ ក្នុងបញ្ជីគណបក្សនយោបាយនៅក្រសួងមហាផ្ទៃ។ លោក រៀល ខេមរិន្ទ អតីតតំណាងរាស្ត្រគណបក្សអតីតគណបក្សសង្គ្រោះជាតិ ដែលបានសុំសិទ្ធិធ្វើនយោបាយឡើងវិញ បន្ទាប់ពីតុលាការកំពូលចេញសាលដីការំលាយកាលពីដើមឆ្នាំ២០១៨ ថ្លែងថា លោកបង្កើតគណបក្សនេះឡើងគឺដើម្បីចូលរួមដោះស្រាយបញ្ហាជាតិ ដូចជាបញ្ហា EBA ជាដើម។ តាមលោក រៀល ខេមរិន្ទ ការបង្កើតគណបក្ស «ខ្មែរអភិរក្សនិយម» នេះឡើងគឺជាគំនិតរបស់លោកផ្ទាល់ដើម្បីបន្តជីវិតនយោបាយឡើងវិញ និងថាការបង្កើតគណបក្សថ្មីនេះ មិនមែនជាការក្បត់បក្សចាស់ឡើយ។