លោក ឈឹម ផលវរុណ៖ «កិច្ចប្រជុំនេះ ផ្តោតទៅលើបរិបទធំពីរ គឺបរិបទនយោបាយពិភពលោក និងបរិបទនយោបាយកម្ពុជា»
ចុះផ្សាយនៅថ្ងៃ៖
ស្តាប់ - ១២:៣០
គណបក្សប្រជាជនកម្ពុជា នៅព្រឹកថ្ងៃទី២២ខែសីហានេះ បានរៀបចំកិច្ចប្រជុំគណៈកម្មាធិការកណ្តាលរបស់ខ្លួននៅឯមជ្ឈមណ្ឌលកំសាន្តកោះពេជ្រ។ លោក ឈឹម ផលវរុន អ្នកនាំពាក្យគណបក្សប្រជាជនកម្ពុជា បានលើកឡើងថា កិច្ចប្រជុំនៅថ្ងៃនេះ បានផ្តោតទៅលើប្រធានបទចំនួន២ គឺទី១ ការបូកសរុបលទ្ធផលការងាររបស់គណបក្សក្នុងរយៈពេល១ឆមាស និង របៀបវារៈទី២ គឺការលើកទិសដៅការងារបន្តរបស់គណបក្ស។ ក្រៅពីនេះ កិច្ចប្រជុំក៏បានលើកឡើងពីកំណែទម្រង់របស់រដ្ឋាភិបាល អ្នកបន្តវេន បរិបទនយោបាយជាតិ និងអន្តរជាតិ លើកឡើងពីបញ្ហា EBA មាតុភូមិនិវត្តន៍របស់លោក សម រង្ស៊ី និងរំលឹកជំហរពីការរំលាយគណបក្សសង្គ្រោះជាតិផងដែរ។ នេះបើតាមលោក ឈឹម ផលវរុណ។