លោក ឈាង ផាន់ណារ៉ា៖ ឧបករណ៍ពន្លត់អគ្គិភ័យបច្ចុប្បន្ន មិនឆ្លើយតបនឹងអាគារខ្ពស់ៗក្នុងក្រុងឡើយ
ចុះផ្សាយនៅថ្ងៃ៖
ស្តាប់ - ១១:៤៨
គិតត្រឹមល្ងាចនេះ ផលប៉ះពាល់គិតជាទឹកប្រាក់ជាង៣លានដុល្លារ បានបាត់បង់ ក្នុងហេតុការណ៍អគ្គិភ័យ ឆេះសិប្បកម្មផលិតពូក នៅខណ្ឌមានជ័យ កាលពីម្សិលមិញ។ លោក ឈាង ផាន់ណារ៉ា ស្នងការរងនគរបាលរាជធានីភ្នំពេញ ទទួលបន្ទុកគ្រប់គ្រង់អាវុធ គ្រឿងផ្ទុះ និងអគ្គិភ័យ បានចូលខ្លួនមកអធិប្បាយអំពីមូលហេតុដែលក្រុមសង្គ្រោះ និងអាជ្ញាធរពុំអាចជួយសង្គ្រោះទីតាំងសិប្បកម្មដែលមានកម្ពស់៦ជាន់នេះបាន។ លោកទទួលស្គាល់ថា ឧករណ៍ពន្លត់អគ្គិភ័យរបស់កម្ពុជាបច្ចុប្បន្ន មិនបានឆ្លើយតបនឹងកំណើនអគារខ្ពស់ៗនៅក្នុងទីក្រុងឡើយ។ ជាក់ស្ដែងលទ្ធភាពរបស់រថយន្តបាញ់ទឹក មានសមត្ថភាពពន្លត់ភ្លើងបានត្រឹមអគារកម្ពស់៥ជាន់ចុះក្រោមប៉ុណ្ណោះ។