លោក កាំង ម៉ូនីកា៖ ភាគីថៅកែរោងចក្រ សម្រេចយកតួលេខ១៧៦ ដុល្លារ ជាប្រាក់ខែគោលរបស់កម្មករឆ្នាំ២០១៩ ដាក់ទៅក្នុងកិច្ចប្រជុំសម្រេចចុងក្រោយ នៅដើមខែតុលា
ចុះផ្សាយនៅថ្ងៃ៖
ស្តាប់ - ១០:១០
នៅក្នុងកិច្ចប្រជុំក្រុមការងារបច្ចេកទេសត្រីភាគី ស្តីពីប្រាក់ឈ្នួលអប្បបរមារបស់កម្មករ នៅព្រឹកមិញនេះ ភាគីនិយោជក (ថោកែរោងចក្រ) បានយល់ព្រមដំឡើង ពី ១៧៥ ដុល្លារ ទៅ ១៧៦ដុល្លារ ក្នុងមួយខែ ជូនកម្មករក្នុងវិស័យកាត់ដេរ និងដេរស្បែកជើង ខណៈភាគីនិយោជិត (កម្មករ) ក៏បានដកថយមួយជំហាន ដោយបានកែសម្រួលការទាមទាររបស់ខ្លួនពី១៩២ដុល្លារ មកត្រឹម១៨៩ដុល្លារ វិញ។ ឆ្លើយតបនឹងសំណួររបស់វិទ្យុបារាំងអន្តរជាតិ លោក កាំង ម៉ូនីកា អគ្គលេខាធិការរងនៃសមាគមរោងចក្រកាត់ដេរនៅកម្ពុជា (GMAC) អះអាងថា ភាគីតំណាងរោងចក្រ នឹងមិនបន្ថែម ឬបន្ថយតួលេខ ១៧៦ ដុល្លារ នេះទៀតឡើយ។ បើតាមលោក កាំង ម៉ូនីកា ប្រាក់ឈ្នួលអប្បរមា ១៧៦ដុល្លារ ក្នុងមួយខែ នេះ គឺមានភាពប្រសើរជាងប្រទេសក្បែរខាងរួចទៅហើយ។