លោក ហង្ស ពុទ្ធា៖ ការថយចុះចំនួនអ្នកចុះឈ្មោះបោះឆ្នោតនៅ៧ថ្ងៃដំបូង មិនមែនមានន័យថា ចំនួនសរុបថយចុះនោះទេ
ចុះផ្សាយនៅថ្ងៃ៖
ស្តាប់ - ១០:៥៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប។ ឆ្លើយតបនឹងសំណួររបស់ RFI លោក ហង្ស ពុទ្ធា បានទទួលស្គាល់ពីការថយចុះនៃចំនួនអ្នកទៅចុះឈ្មោះបោះឆ្នោតថ្មី គិតត្រឹមរយៈពេល៧ថ្ងៃមកនេះ។ ប៉ុន្តែលោកបានលើកឡើងថា ការបានថយចុះមិនមែនមានន័យថា ចំនួនសរុបនៃអ្នកទៅចុះឈ្មោះបោះឆ្នោតថយចុះនោះទេ បើធៀបនឹងចំនួនអ្នកទៅចុះឈ្មោះបោះឆ្នោត កាលពីឆ្នាំ២០១។ សូមបញ្ជាក់ថា គិតត្រឹមរយៈពេល៧ថ្ងៃមកនេះ មានប្រជាពលរដ្ឋប្រមាណ៤ម៉ឺន៣ពាន់នាក់ ស្មើនឹង២.៦៧% ប៉ុណ្ណោះ ដែលបានចេញទៅចុះឈ្មោះបោះឆ្នោតនៅទូទាំងប្រទេស ក្នុងចំណោមប្រជាពលរដ្ឋដែលត្រូវចុះឈ្មោះថ្មីក្នុងចំនួនប៉ាន់ស្មាន ១លាន៤សែននាក់។ យ៉ាងណាក៏ដោយ លោក ហង្ស ពុទ្ធា បានអំពាវនាវឲ្យប្រជាពលរដ្ឋឲ្យទៅចុះឈ្មោះ ចាប់ពីថ្ងៃទី ១កញ្ញា រហូតដល់ថ្ងៃទី ០៩ វិច្ឆិកាខាងមុខ។