បណ្ឌិត តេង ដឺលុច ៖ គោលនយោបាយសេដ្ឋកិច្ច មិនគួរត្រូវរត់តាមការកេងចំណេញនយោបាយនោះឡើយ!
ចុះផ្សាយនៅថ្ងៃ៖
ស្តាប់ - ១៦:៣៣
ពីម្សិល មិញ ធនាគារជាតិនៃកម្ពុជា បានដាក់កំហិតចំពោះអត្រាការប្រាក់កម្ចី ត្រឹម១៨ភាគរយក្នុងមួយឆ្នាំសម្រាប់គ្រឹះស្ថានមីក្រូហិរញ្ញវត្ថុ។ ដូច្នេះ នៅយប់នេះ វិទ្យុបារាំងអន្តរជាតិ បានអញ្ជើញ បណ្ឌិតសេដ្ឋកិច្ច តេង ដឺលុច ធ្វើភ្ញៀវប្រចាំថ្ងៃរបស់យើង។ សាស្ត្រាចារ្យវិទ្យាសាស្ត្រសេដ្ឋកិច្ចរូបនេះ បញ្ជាក់ថា បើមើលតែមួយភ្លេត ការកំណត់អត្រាការប្រាក់១៨ភាគរយ គឺអាចជាការផ្តល់ផលប្រយោជន៍សម្រាប់ពលរដ្ឋអ្នកខ្ចីបុល។ ក៏ប៉ុន្តែវាអាចនឹងជះឥទ្ធិពលអវិជ្ជមានទៅលើពលរដ្ឋទៅវិញទេ ប្រសិនបើគ្រឹះស្ថានមីក្រូហិរញ្ញវត្ថុ ខាតឡុងចុង ដួលរលំបះជើង។ តាមអនុសាសន៍របស់បណ្ឌិតសេដ្ឋកិច្ចរូបនេះ អាជ្ញាធរហិរញ្ញវត្ថុ គួរតែបើកការពិភាក្សាគ្នាជាមួយប្រតិបត្តិករហិរញ្ញវត្ថុ ហើយអនុវត្តវិធានការកំណត់អត្រាការប្រាក់នេះ ជាដំណាក់កាលៗ។ លើសពីនេះ បណ្ឌិត តេង ដឺលុច ផ្តល់យោបល់ថា គោលនយោបាយសេដ្ឋកិច្ចសង្គម គួរតែមិនត្រូវរត់តាមការកេងចំណេញនយោបាយនោះឡើយ ព្រោះវាអាចគ្រោះថ្នាក់ ដល់សេដ្ឋកិច្ចជាតិ។តទៅនេះ សូមស្តាប់សេចក្តីពន្យល់របស់បណ្ឌិត តេង ដឺលុច តាមរយៈបទសម្ភាសរបស់ ហេង ឧត្តម ៖
