លោក ឌឹម សុវណ្ណារុំ៖«លក្ខណៈពិសេសរបស់សន្លឹកឆ្នោតគឺជួយសម្រួលដល់គណបក្សនយោបាយផង និងអ្នកបោះឆ្នោតផង»
ចុះផ្សាយនៅថ្ងៃ៖
ស្តាប់ - ០៩:៤៥
ការរៀបចំការពិនិត្យទម្រង់សន្លឹកឆ្នោតដែលត្រូវបោះពុម្ព ដោយមានការចូលរួមពីតំណាងគណបក្សទាំង២០ នៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៦នេះ បានបញ្ចប់ហើយនៅថ្ងៃពុធនេះ។ លោក ឌឹម សុវណ្ណារុំ អ្នកនាំពាក្យគណៈកម្មាធិការជាតិរៀបចំការបោះឆ្នោត បានលើកឡើងថា សន្លឹកឆ្នោតដែលបោះពុម្ពលើសពីចំនួនអ្នកបោះឆ្នោត ដល់ទៅជាង២លានសន្លឹកនោះ គឺជាការចាំបាច់ក្នុងការប្រើប្រាស់សម្រាប់ធ្វើជាសន្លឹកឆ្នោតគំរូ សន្លឹកឆ្នោតសម្រាប់បោះឆ្នោតផ្លូវការ និងសន្លឹកឆ្នោតបំរុង។ អ្នកនាំពាក្យរូបនេះបញ្ជាក់ថាលក្ខណៈពិសេសរបស់សន្លឹកឆ្នោតសម្រាប់បំរើការបោះឆ្នោតនេះ មិនអាចមានការក្លែងបន្លំបានឡើយ ហើយសន្លឹកឆ្នោតនេះជួយសម្រួលដល់អ្នកបោះឆ្នោតថែមទៀតនៅក្នុងការគូសលើគណបក្សដែលគេពេញចិត្ត។