លោក ប៊ូ ជុំសេរី៖« ស្ថានភាពទឹកទន្លេនិងអាកាសធាតុអំណោយផលដល់ការប្រណាំងទូក»
ចុះផ្សាយនៅថ្ងៃ៖
ស្តាប់ - ០៩:៣៩
ទូកង និងទូកមួង បុរស ស្ត្រីចំនួន២៧០ទូក បានចាប់ផ្តើមប្រកួតហើយនៅលើផ្ទៃទឹកទន្លេសាបនិងទន្លេចតុមុខ ដើម្បីអបអរក្នុងឱកាសនៃព្រះរាជពិធីបុណ្យអុំទូក បណ្តែតប្រទីប សំពះព្រះខែនិងអកអំបុក ដែលប្រព្រឹត្តទៅនៅថ្ងៃទី២ដល់ថ្ងៃទី៤ខែវិច្ឆិកានេះ។ លោក ប៊ូ ជុំសេរី អនុរដ្ឋលេខាធិការក្រសួងអប់រំ យុវជននិងកីឡា និងជាប្រធាននៃគណៈមេប្រយោគនៅក្នុងពិធីប្រណាំងទូក បានពិពណ៌នាថាការចាប់ផ្តើមនៅថ្ងៃដំបូងនេះ មានលក្ខណៈល្អប្រសើរ។ ប្រសើរដោយសារកំពស់ទឹកខ្ពស់ ទឹកហូរ ធ្វើឲ្យការអុំ ឬចែវ មានលក្ខណៈងាយស្រួលដល់កីឡាករ។