លោក ប៊ួយ យ៉ាំងប៊ែរ៖ ផែនការបន្លាស់ទីជាជម្រើសមួយល្អក្នុងការសង្គ្រោះទន្លេ
ចុះផ្សាយនៅថ្ងៃ៖
ស្តាប់ - ០៨:០៤
នៅក្នុងនាទីបទយកការណ៍របស់យើងនៅរាត្រីនេះ អេង គីមហុង អ្នកយកព័ត៌មានរបស់វិទ្យុបារាំងអន្តរជាតិ សូមនាំអារម្មណ៍លោកអ្នកស្ដាប់ទៅកាន់ទីតាំងដី៤០ហិកតា ស្ថិតភូមិតំបូកកកោះ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។ សូមជម្រាបជូនថា ដី៤០ហិកតា នេះហើយដែលមានការចោទប្រកាន់ថា អាជ្ញាធរកាត់ឲ្យអន្តោប្រវេសន៍វៀតណាម។ ប៉ុន្តែយ៉ាងណាមិញអាជ្ញាធរខេត្តបានអះអាងហើយថា គ្មានឡើយការកាត់ដី៤០ហិកតា ទៅឲ្យអន្តោប្រវេសន៍វៀតណាម។ តាមរយៈក្បាលមេក្រូវិទ្យុបារាំង លោក ប៊ួយ យ៉ាំងប៊ែរ ប្រធានសមាគមខ្មែរ-វៀតណាម តំណាងឲ្យជនអន្តោប្រវេសន៍វៀតណាមជាង២ពាន់គ្រួសារ គាំទ្រចំពោះការបង្ហាញភាពស្អាតស្អំរបស់អាជ្ញាធរ។ បើតាមលោក ប៊ួយ យ៉ាំងប៊ែរ ផែនការបន្លាស់ទីជាជម្រើសមួយល្អក្នុងការសង្គ្រោះទន្លេ។ ទន្លេសាបក្នុងខេត្តកំពង់ឆ្នាំងដែលកំពុងរងការបំពុលបរិស្ថានតាមរយៈសកម្មភាពពលរដ្ឋ។
