ពលរដ្ឋចង់បានផ្លូវថ្មើរជើង ដើម្បីសុវត្ថិភាពនិងសុខភាពល្អ
ចុះផ្សាយនៅថ្ងៃ៖
ស្តាប់ - ០៧:៤៦
ជាការកត់សម្គាល់ ក្នុងទីក្រុងដ៏មមាញឹក ដូចជាទីក្រុងភ្នំពេញ គឺពុំសូវឃើញមានច្រើនឡើយផ្លូវថ្មើរជើង សម្រាប់អ្នកដើរ។ មិនមានផ្លូវថ្មើរជើង គឺដោយសារតែពលរដ្ឋដែលរស់នៅជាប់មាត់ផ្លូវមួយចំនួន បានយកចិញ្ចើមផ្លូវធ្វើជាចំណតចតយានយន្ត ឬ លក់ដូរ ដែលធ្វើឲ្យគ្មានចន្លោះទំនេរសម្រាប់ដើរបាន។ ជុំវិញកត្តានេះ ពលរដ្ឋក្នុងទីក្រុងភ្នំពេញ ស្នើរឲ្យរដ្ឋាភិបាល គិតគូបង្កើនឲ្យមានផ្លូវថ្មើរជើង ហើយក៏សំណូមពរដល់ពលរដ្ឋ ដែលយកផ្លូវធ្វើអាជីវកម្ម ឬ ចតយានយន្ត ត្រូវគោរពច្បាប់ ហើយចូលរួមទាំងអស់គ្នា ដើម្បីធ្វើយ៉ាងណាឲ្យទីក្រុងភ្នំពេញ មានផ្លូវសម្រាប់ពលរដ្ឋអាចដើរបានប្រកបដោយសុវត្ថិភាព និងជួយឲ្យមានសុខភាពល្អ។