“ក្មួយៗយុវវ័យគួរតែជួយការពារ ថែរក្សា ហើយបើចង់ហាត់រៀនល្ខោនខោលនេះ អាចអញ្ជើញមកវត្តស្វាយអណ្តែត ដើម្បីហាត់រៀនដោយមិនចាំបាច់ចំណាយថវិកាទេ។” នេះជាការលើកឡើងរបស់គណៈកម្មការគ្រប់គ្រងក្រុមល្ខោនខោលវត្តស្វាយអណ្តែតក្នុងស្រុកល្វាឯម ខេត្តកណ្តាល។ ល្ខោនខោល ត្រូវបានអង្គការ យូណេស្កូ (UNESCO) សម្រេចទទួលស្គាល់ និងដាក់បញ្ចូល ក្នុងបញ្ជីបេតិកភណ្ឌវប្បធម៌អរូបិយនៃមនុស្សជាតិ នៅក្នុងកិច្ចប្រជុំលើកទី១៣ កាលពីថ្ងៃទី២៨ វិច្ឆិកា កន្លងទៅ។
