បញ្ហាតម្លៃប្រេងសាំងនៅកម្ពុជា តើគួរដោះស្រាយបែបណា?
ចុះផ្សាយនៅថ្ងៃ៖
ស្តាប់ - ១០:២២
ម្សិលមិញ លោកនាយករដ្ឋមន្រ្តីហ៊ុន សែន បានបង្ហើបពីចំណាត់ការរបស់រដ្ឋាភិបាលកម្ពុជាក្នុងការចូលរួមស្វែងរកដំណោះស្រាយបញ្ហាប្រេងឡើងថ្លៃនៅក្នុងប្រទេសកម្ពុជា។ លោកនាយករដ្ឋមន្រ្តីថែមទាំងប្រកាសឲ្យដឹងថា លោកនឹងដាក់ចេញនូវគោលការណ៍មួយចំនួន ដើម្បីដោះស្រាយតម្លៃប្រេងនៅថ្ងៃទី២៨ មិថុនា សប្តាហ៍ក្រោយនេះ។ តាមពិតបញ្ហាតម្លៃប្រេងឥន្ទនៈនេះ មិនមែនជារឿងថ្មីថ្មោងសម្រាប់កម្ពុជាឡើយ ប៉ុន្តែវាប្រៀបដូចជាជំងឺរ៉ាំរ៉ៃមួយអ៊ីចឹង។ អ្នកជំនាញផ្នែកសេដ្ឋកិច្ច និងសង្គមកម្ពុជាបានឲ្យជាយោបល់ថា ដើម្បីដោះស្រាយបញ្ហានេះ រដ្ឋាភិបាលកម្ពុជាគួរតែធ្វើការឧបត្ថម្ភធនឬក៏បញ្ចុះការយកតម្លៃពន្ធនាំចូលប្រេងឥន្ទនៈ។
