ព្រឹត្តិការណ៍កម្ពុជាប្រចាំថ្ងៃ
ស្ថានីយ៍ប្រេងឥន្ធនៈ នឹងត្រូវរៀបចំតាមបទដ្ឋានច្បាប់ និងសុវត្ថិភាព តែត្រូវការពេលវេលាយូរ
ចុះផ្សាយនៅថ្ងៃ៖
ស្តាប់ - ០០:២៨
ក្រសួងរ៉ែ និងថាមពលជាថ្មីម្តងទៀតបានរំលឹកដល់គណៈអភិបាលរាជធានី-ខេត្ត ដែលជាអាជ្ញាធរដែនដី ដោយស្នើសុំកិច្ចសហការចុះពិនិត្យ ទប់ស្កាត់ និងវាយតម្លៃលក្ខណៈបច្ចេកទេសសុវត្ថិភាពក្នុងការគ្រប់គ្រងបណ្តាស្ថានីយ៍ប្រេង និងឧស្ម័នឥន្ធនៈ នៅទូទាំងប្រទេស។ ការស្នើសុំសហការពីអាជ្ញាធរដែនដីនេះ បានធ្វើឡើងបន្ទាប់ពីក្រសួងរ៉ែ និងថាមពល បានពិនិត្យឃើញថាស្ថានីយ៍ប្រេងឥន្ធនៈមួយចំនួន នៅមិនទាន់មានបទបញ្ញតិបច្ចេកទេសស្តង់ដាប្រេងត្រឹមត្រូវនៅឡើយ។ ជាបទបញ្ញតិ ដែលបង្កើតឡើងដោយក្រសួងរ៉ែ និងថាមពល ហើយតម្រូវឲ្យមានការគោរពតាម ដើម្បីសុវត្ថិភាពលើអាជីវកម្មប្រេងឥន្ធនៈនេះ។