លោក ហ្វាសាលី៖ រដ្ឋាភិបាលនៅតែយឺតយ៉ាវក្នុងចំណាត់ការដោះស្រាយទំនាស់ក្នុងរោងចក្រ
ចុះផ្សាយនៅថ្ងៃ៖
ស្តាប់ - ១១:០៦
ភ្ញៀវប្រចាំថ្ងៃរបស់វិទ្យុយើង នៅរាត្រីនេះ គឺលោក ហ្វា សាលី ប្រធានសម្ព័ន្ធសហជីពជាតិ។លោក ហ្វា សាលី ដែលបានដឹកនាំក្រុមកម្មករ-កម្មការិនីរោងចក្រ ហ៊ុយ ចៀន អស់រយៈពេលជាង៥ខែមកហើយ តែ នៅតែមិនទាន់មានដំណោះស្រាយនៅឡើយ បើទោះបីជារដ្ឋមន្ត្រីក្រសួងការងារលោក អ៊ិត សំហេង បានសន្យាជួយដោះស្រាយក៍ដោយ។ តែភាពរីកចំរើនមានខ្លះដែរ ដោយនៅថ្ងៃទី២៤វិច្ឆិការនេះ ក្រសួងការងារបានសម្រេចបង្កើតគណៈកម្មការចំរុះមួយដោយមានសមាសភាព ២២នាក់ ដើម្បីដោះស្រាយ។ ជាមួយគ្នានេះ នៅថ្ងៃស្អែក តុលាការក្រុងភ្នំពេញ និងបើកសវនាការលើករណីនេះ ហើយនៅថ្ងៃទី២៧វិច្ឆិការ ក្រុមប្រឹក្សាអាជ្ញាកណ្តាលក៍ត្រៀមប្រជុំនិងចេញសេចក្តីសម្រេចមួយដែរ ក៍ប៉ុន្តែ លោក ហ្វា សាលី បានមើលឃើញថា ចំណាត់ការរបស់អាជ្ញាធររដ្ឋាភិបាល នៅតែយឺត! យឺតចំពោះរោងចក្រវាយនភណ្ឌ័មួយចំនួន ជាពិសេសជាមួយថៅកែររោងចក្រដែលខិលខូច។ បើតាមលោក ហ្វា សាលី ករណីរោងចក្រហ៊ុនចៀន រដ្ឋាភិបាល គួរតែបញ្ចេញប្រាក់បុរេប្រទាន ដើម្បីជួយដល់កម្មករនៅចំពោះមុខ។
